Home KERALA പിസി ജോർജിനെ സന്ദർശിച്ച് ബിഷപ്പ് ഫ്രാങ്കോ മുളയ്ക്കല്‍, കൂടിക്കാഴ്ചയ്ക്ക് ശേഷം വാദി ഭാഗത്തിനെ രൂക്ഷമായി...

പിസി ജോർജിനെ സന്ദർശിച്ച് ബിഷപ്പ് ഫ്രാങ്കോ മുളയ്ക്കല്‍, കൂടിക്കാഴ്ചയ്ക്ക് ശേഷം വാദി ഭാഗത്തിനെ രൂക്ഷമായി വിമർശിച്ച് പി സി

ലൈംഗിക പീഡന കേസിൽ കുറ്റവിമുക്തനായ ബിഷപ്പ് ഫ്രാങ്കോ മുളയ്ക്കല്‍ പൂഞ്ഞാര്‍ മുന്‍ എംഎല്‍എ പിസി ജോർജിനെ സന്ദർശിച്ചു.

ഈരാറ്റുപേട്ടയിലെ ജോർജിന്റെ വീട്ടിലെത്തിയായിരുന്നു സന്ദർശനം. കൂടിക്കാഴ്ചയ്ക്ക് ശേഷം വാദി ഭാഗത്തിനെ പി സി ജോര്‍ജ് രൂക്ഷമായി വിമർശിച്ചു. ഫ്രാങ്കോ മുളയ്ക്കലിനെതിരായ കേസിന്റെ വാദിഭാഗം മുഴുവൻ ബ്ലാക്ക് മാസിന്റെ ഭാഗമാണെന്നാണ് പിസിയുടെ ആരോപണം.

എഐജി ഹരിശങ്കർ ജഡ്ജിയെ അപമാനിക്കുന്ന രീതിയിലാണ് വിധി വന്നതിന് പിന്നാലെ സംസാരിച്ചത്. അയാൾക്ക് എന്താണ് ഈ വിഷയത്തിൽ ഇത്ര ആവേശമെന്നും പി സി ജോര്‍ജ് ചോദിച്ചു.

കന്യാസ്ത്രീ മഠത്തിൽ അന്വേഷണ ഉദ്യോഗസ്ഥർ മദ്യപിക്കുന്നത് താൻ കണ്ടതാണെന്നും, കുടിച്ചു കൂത്താടിയ അവരെ താൻ ആണ് ഓടിച്ചുവിട്ടതെന്നും പി സി ജോര്‍ജ് പറഞ്ഞു.

Also Read :   നടിയെ ആക്രമിച്ച കേസ്; ഗൂഢാലോചന നടന്ന കൃത്യം നടന്നില്ലെങ്കിലും ആരോപണം അന്വേഷിക്കാവുന്നതാണെന്ന് ഹൈക്കോടതി