മലപ്പുറം: ‘ദൈവത്തിനു നന്ദി. വാക്കുകള് കിട്ടുന്നില്ല. എന്തു പറയണമെന്നറിയില്ല. നിർമൽ ലോട്ടറിയുടെ വര്ഷങ്ങളായി ടിക്കറ്റ് എടുക്കുന്നുണ്ട് സമ്മാനം അടിച്ചുവെന്ന് വിളി വന്നപ്പോള് വ്യാജ കോളാണെന്നാണ് കരുതി.
വിശ്വസിക്കാന് ഏറെ സമയമെടുത്തു. നിര്മല് ലോട്ടറിയുടെ ഒന്നാം സമ്മാനമായ 70 ലക്ഷം രൂപയടിച്ച കുട്ടന്റെ വാക്കുകളാണിത്.
കൂലിത്തൊഴിലാളിയായ വെളുത്തോന് മനോജ് എന്ന കുട്ടന് ഇപ്പോഴും ആ വാര്ത്ത ഉള്ക്കൊള്ളാനായിട്ടില്ല. കഴിഞ്ഞ ദിവസം വൈകീട്ടാണ് സുഹൃത്ത് സുന്ദരന്റെ അമ്മ ലോട്ടറീസില് നിന്നും ടിക്കറ്റെടുക്കുന്നത്. സ്വന്തമായി കിടപ്പാടം എന്ന സ്വപ്നം യാഥാര്ഥ്യമാക്കുന്നതിനാണ് ആദ്യ പരിഗണന.
ഭാര്യ സിന്ധു, ഒരു വയസ്സുള്ള മകന് അഭിനവ് എന്നിവരടങ്ങുന്നതാണ് കുടുംബം. നേരത്തേ ലോട്ടറി ടിക്കറ്റ് വില്പന നടത്തിയിരുന്നു. ടിക്കറ്റ് കേരള ഗ്രാമീണ് ബാങ്ക് ശാഖയില് ഏല്പിച്ചിട്ടുണ്ട്.
പ്രതികരിക്കാൻ ഇവിടെ എഴുതുക