കാലിത്തീറ്റ കുംഭകോണ കേസിൽ ലാലു പ്രസാദ് യാദവിന് അഞ്ചുവര്ഷം തടവ്. കാലിത്തീറ്റ കുംഭകോണവുമായി ബന്ധപ്പെട്ട അഞ്ചാമത്തെ കേസില് മുഖ്യപ്രതിയാണ് മുന് ബിഹാര് മുഖ്യമന്ത്രിയും ആര്ജെഡി അധ്യക്ഷനുമായ ലാലു പ്രസാദ് യാദവ്. കേസിൽ ലാലു പ്രസാദ് കുറ്റക്കാരനാണെന്ന് കഴിഞ്ഞദിവസം കോടതി കണ്ടെത്തിയിരുന്നു.
റാഞ്ചിയിലെ സിബിഐ പ്രത്യേക കോടതിയാണ് കേസിൽ ലാലു പ്രസാദ് കുറ്റക്കാരനാണെന്ന് കണ്ടെത്തിയത്. കേസിൽ ആറ് സ്ത്രീകള് ഉള്പ്പെടെ 24 പേരെ തെളിവുകളുടെ അഭാവത്തില് കോടതി വെറുതെ വിട്ടിരുന്നു. കാലിത്തീറ്റ കുംഭകോണവുമായി ബന്ധപ്പെട്ട ആദ്യത്തെ നാലു കേസുകളിലും ലാലുവിനു തടവു ശിക്ഷ ലഭിച്ചിരുന്നു. 950 കോടി രൂപയുടെതാണ് കേസ്.
പ്രതികരിക്കാൻ ഇവിടെ എഴുതുക