തൃശൂര്: കൊരട്ടിക്ക് സമീപം മുരിങ്ങൂരില് കോടികള് വിലമതിക്കുന്ന 11 കിലോ ഹാഷിഷ് ഓയില് പിടികൂടി.മൂന്നു പേര് അറസ്റ്റിലായി. രണ്ടു വാഹനങ്ങളും പിടിച്ചെടുത്തു.
പുലര്ച്ചെ മുരിങ്ങൂര് ദേശിയപാതയില് വെച്ചാണ് ഹാഷിഷ് ഓയിലുമായി ആന്ധ്രയില് നിന്നെത്തിയ സംഘം പൊലീസിൻറെ വലയിലാകുന്നത്. പെരിങ്ങോട്ടുകര സ്വദേശികളായ അനൂപ്,കിഷോര്,പത്തനംതിട്ട കോന്നി സ്വദേശി നസിം എന്നിവരാണ് അറസ്റ്റിലായത്.
കഴിഞ്ഞ ഒന്നരമാസമായി പൊലീസിൻറെ നിരീക്ഷണത്തിലായിരുന്നു ഇവര്.രണ്ടാഴ്ച മുമ്പ് പൊലീസിൻറെ കണ്ണുവെട്ടിച്ച് ഹാഷിഷ് ഓയില് കടത്തിയിരുന്നു. ഇത്തവണ പ്രതികള് രക്ഷപ്പെടാതിരിക്കാൻ എല്ലാ പഴുതുകളും അടച്ചായിരുന്നു പൊലീസിൻറെ വിന്യാസം.
അര്ദ്ധരാത്രി മുതല് ദേശീയ പാതയുടെ പലയിടങ്ങളിലാണ് പൊലീസ് നിലയുറപ്പിച്ചു. മുരുങ്ങൂരില് രണ്ടു വാഹനങ്ങളിലായി എത്തിയ പ്രതികളെ പൊലീസ് പിടികൂടി. രണ്ടു വാഹനങ്ങളിലായി 11 കിലോ ഹാഷിഷ് ഓയിലാണ് പിടിച്ചെടുത്തത്. 38 ലക്ഷം രൂപയ്ക്കാണ് ഇവര് ആന്ധയില് നിന്ന് ഇത് കൊണ്ടുവരുന്നത്.കൊച്ചിയില് വിതരണം ചെയ്യുന്നത് ഗ്രാമിന് 2000 രൂപ നിരക്കിലാണ്.
പ്രതികരിക്കാൻ ഇവിടെ എഴുതുക