സന: യെമന് പൗരനെ കൊലപ്പെടുത്തിയ കേസില് മലയാളി നഴ്സ് നിമിഷപ്രിയയുടെ(33) വധശിക്ഷ ഒഴിവാക്കാനുള്ള ശ്രമങ്ങള് തുടങ്ങിയതായി സേവ് നിമിഷപ്രിയ ഗ്ലോബല് ആക്ഷന് കമ്മിറ്റി.
ദയാധനം നല്കി നിമിഷയെ മോചിപ്പിക്കാനുള്ള ശ്രമങ്ങളാണ് നടക്കുന്നത്. ദയാധനമായിരണ്ട് കോടി രൂപവരെ നല്കേണ്ടി വന്നേക്കുമെന്നാണ് ആക്ഷന് കമ്മിറ്റിയുടെ കണക്കുകൂട്ടല്. ഒരു മാസത്തിനുള്ളില് ഈ തുക കണ്ടെത്തണം.
നിമിഷ പ്രയയുടെ വധശിക്ഷക്കെതിരെ ഉടന് സുപ്രീം കോടതിയില് അപ്പീല് പോകുമെന്നും നിമിഷപ്രിയ ഗ്ലോബല് ആക്ഷന് കമ്മിറ്റി വ്യക്തമാക്കി.
കഴിഞ്ഞ തിങ്കളാഴ്ചയാണ് യെമന് പൗരന് തലാല് അബ്ദുമഹ്ദിയെ കൊലപ്പെടുത്തിയ കേസില് പാലക്കാട് കൊല്ലങ്കോട് സ്വദേശി നിമിഷ പ്രിയയുടെ വധശിക്ഷ ശരിവച്ചത്.
പ്രതികരിക്കാൻ ഇവിടെ എഴുതുക