ദില്ലി: മാധ്യമങ്ങള്ക്ക് മുന്നില് വികാരാധീനനായി യുക്രൈനില് നിന്ന് എത്തിയ വിദ്യാര്ത്ഥിയുടെ പിതാവ് . യുക്രൈനിലെ സുമിയില് കുടുങ്ങിയ മകനെ ഒഴിപ്പിച്ചതിനാണ് കശ്മീരില് നിന്നുള്ള സഞ്ജയ് പണ്ഡിത സര്ക്കാരിനും പ്രധാനമന്ത്രി മോദിക്കും നന്ദി പറഞ്ഞത്.
തിരിച്ചുവന്നത് എന്റെ മകനല്ല, മോദിജിയുടെ മകനാണെന്ന് പറയാന് ആഗ്രഹിക്കുന്നുവെന്ന് അദ്ദേഹം പറഞ്ഞു. സുമിയിലെ സംഘര്ഷാവസ്ഥ കാരണം മകന്റെ തിരിച്ചുവരവില് തനിക്ക് പ്രതീക്ഷയുണ്ടായിരുന്നില്ലെന്നും സര്ക്കാരിനോട് നന്ദിയുണ്ടെന്നും വികാരാധീനനായ പിതാവ് പറഞ്ഞു.
‘സുമിയിലെ സാഹചര്യങ്ങള് കണക്കിലെടുക്കുമ്പോള് ഞങ്ങള്ക്ക് യാതൊരു പ്രതീക്ഷയുമില്ലായിരുന്നു. എന്റെ മകനെ ഒഴിപ്പിച്ചതിന് ഞാന് സര്ക്കാറിനോട് എന്നും നന്ദിയുള്ളവനാണ്- അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക