ഇടുക്കി: തട്ടുകടയിലുണ്ടായ തര്ക്കമാണ് ഇടുക്കി മൂലമറ്റത്തെ വെടിവെപ്പില് കലാശിച്ചതെന്ന് കടയുടമ. വെടിയുതിര്ത്ത ഫിലിപ്പ് മാർട്ടിനും സുഹൃത്തും കടയിലെത്തി ബഹളമുണ്ടാക്കിയെന്നും ബഹളം വയ്ക്കരുതെന്ന് കടയിലെ മറ്റുള്ളവര് ആവശ്യപ്പെട്ടതോടെ ഇയാള് പ്രകോപിതനായെന്നും തട്ടുകട ഉടമ സൗമ്യ പറഞ്ഞു.
‘രാത്രി പത്തരയോടെ ബീഫ് ആവശ്യപ്പെട്ടാണ് മാര്ട്ടിന് കടയിലെത്തുന്നത്. എന്നാല് ഇത് തീര്ന്നെന്ന് അറിയിച്ചതോടെ ഇയാള് ബഹളമുണ്ടാക്കി. ഇത് കടയില് പാഴ്സല് വാങ്ങാനെത്തിയ യുവാക്കള് ചോദ്യംചെയ്തു.
മാര്ട്ടിന് പിന്നാലെ വീട്ടില് പോയി തോക്കുമായെത്തി ഭീകരാന്തരീക്ഷം സൃഷ്ടിച്ചു. തോക്കുമായെത്തി തെറിവിളിയായിരുന്നു. വണ്ടി കുറെ തവണ കറക്കി.
വെടിവെച്ചു. കടയിൽ നിന്ന് 200 മീറ്റർ മാറിയാണ് വെടിവെപ്പ് നടന്നത്. ഒരാള് കൊല്ലപ്പെട്ട വിവരം പിന്നീടാണ് അറിയുന്നതെന്നും സൗമ്യ പറഞ്ഞു.
പ്രതികരിക്കാൻ ഇവിടെ എഴുതുക