ഒരു കാലത്ത് മലയാള സിനിമയില് തിളങ്ങി നിന്ന താരമാണ് ബാബു ആന്റണി. വലിയൊരു ഇടവേളയ്ക്ക് ശേഷം ഒമര്ലുലുവിന്റെ പവര്സ്റ്റാറിലൂടെ സിനിമാരംഗത്തേക്ക് തിരികെ എത്തുകയാണ് അദ്ദേഹം. ഇപ്പോഴിതാ തന്റെ കരിയറിനെ കുറിച്ചും സിനിമയില് വന്ന സമയത്തെ കുറിച്ചുമെല്ലാം മീഡിയ വണ്ണുമായുള്ള അഭിമുഖത്തില് അദ്ദേഹം പറഞ്ഞ കാര്യങ്ങള് ശ്രദ്ധ നേടുകയാണ്.
‘പൂനെ യൂണിവേഴ്സിറ്റിയില് പഠിക്കുമ്പോള് അത്യാവശ്യം ഫീമെയില് ഫാന് ഫോളോയിങ് ഉണ്ടായിരുന്നു. പോള് വാള്ട്ടൊക്കെ ചാടുമ്പോള് മുടി ഇങ്ങനെ പാറുന്നതും ബോളുമായിട്ട് ഓടുന്നതൊക്കെ കണ്ട് അന്നേ ആരാധകരുണ്ടായിരുന്നു.
സിനിമയിലേക്കെത്തിയപ്പോള് വില്ലനായി, അന്നും ഒരുപാട് പ്രേമലേഖനങ്ങളൊക്കെ കിട്ടിയിട്ടുണ്ട്. ഞാന് ബെംഗളൂരുവിലായിരുന്നു താമസിച്ചിരുന്നത്. അവിടെ ഡോര് തുറക്കാന് പറ്റാത്തവിധത്തില് പ്രേമലേഖനങ്ങള് വന്നിട്ടുണ്ട്. കൂമ്പാരമായിട്ട് കത്തുകള് വന്നിട്ടുണ്ട്, അത് സ്ത്രീകളുടേത് മാത്രമല്ലായിരുന്നു,’ താരം പറയുന്നു.
എന്റെ ഏറ്റവും വലിയ വിജയം ഞാന് കോമഡി കഥാപാത്രങ്ങള് ചെയ്യാന് നിന്നില്ല എന്നതാണ്. സ്ക്രിപ്റ്റ് ഡിമാന്റ് ചെയ്യുന്നുണ്ടെങ്കില് കോമഡി ചെയ്യാന് തയ്യാറാണ്, കോമഡിക്കായി ഒരു റോള് ചെയ്യുക, അല്ലെങ്കില് എന്റെ റേഞ്ച് തെളിയിക്കാന് വേണ്ടി കോമഡി ചെയ്യുക, ഈ പരിപാടി എനിക്കിഷ്ടമല്ല. ബാബു ആന്റണി പറഞ്ഞു.
പ്രതികരിക്കാൻ ഇവിടെ എഴുതുക