മുംബൈ: കൊവിഡ് ശങ്കകൾക്കിടെ ഐപിഎല്ലില് ഇന്ന് ഡൽഹി ക്യാപിറ്റല്സ് പഞ്ചാബ് കിംഗ്സിനെ നേരിടും. രാത്രി എട്ടിന് മുംബൈയിലാണ് മത്സരം .
പുനെയില് നടക്കേണ്ടിയിരുന്ന മത്സരം മുംബൈയിലേക്ക് മാറ്റുകയായിരുന്നു. ഡൽഹി ക്യാപിറ്റല്സ് താരങ്ങളെ ഇന്ന് രാവിലെ വീണ്ടും കൊവിഡ് പരിശോധനയ്ക്ക് വിധേയമാക്കി. പൊസിറ്റീവ് കേസുകൾ റിപ്പോർട്ട് ചെയ്താൽ മത്സരം മാറ്റിവെക്കും.
ഡൽഹി താരം മിച്ചൽ മാർഷ് ഉൾപ്പെടെ അഞ്ച് പേർക്ക് കഴിഞ്ഞ ദിവസങ്ങളിൽ കൊവിഡ് സ്ഥിരീകരിച്ചതോടെയാണ് മത്സരം അനിശ്ചിതത്വത്തിലായത്.
‘കെജിഎഫ് 2 തീ മഴ സൃഷ്ടിക്കുമ്പൊ ഇതു പോലെയുള്ള കൊച്ചു സിനിമകൾ തിയറ്ററിലൊക്കെ ഇറക്കുന്നത് റിസ്ക് അല്ലേ ചേട്ടായി’? രമേശ് പിഷാരടിയുടെ മറുപടി വൈറല്
ഏപ്രില് 15ന് ടീം ഫിസിയോ പാട്രിക്ക് ഫർഹാര്ടിനാണ് ആദ്യം കൊവിഡ് സ്ഥിരീകരിച്ചത്. സ്പോര്ട്സ് മസാജ് തെറാപ്പിസ്റ്റായ ചേതന് കുമാറിന് ഏപ്രില് 16ന് വൈറസ് ബാധ കണ്ടെത്തി.
ഓസീസ് ഓള്റൗണ്ടര് മിച്ചല് മാര്ഷ്, ടീം ഡോക്ടര് അഭിജിത്ത് സാല്വി, സോഷ്യല് മീഡിയ കണ്ടന്റ് ടീം മെമ്പര് ആകാശ് മാനെ എന്നിവര്ക്ക് ഏപ്രില് 18നും കൊവിഡ് സ്ഥിരീകരിക്കുകയായിരുന്നു.
പ്രതികരിക്കാൻ ഇവിടെ എഴുതുക