ലഹരി ഇടപാടിലെ കള്ളപ്പണം വെളുപ്പിക്കല് കേസില് ബിനീഷ് കോടിയേരിക്ക് സുപ്രിം കോടതി നോട്ടീസ്. ബിനീഷിന്റെ ജാമ്യം റദ്ദാക്കണമെന്നാവശ്യപ്പെട്ട്് എന്ഫോഴ്്സ്മെന്റ് ഡയറക്ടറേറ്റ് സുപ്രിം കോടതിയില് ഹര്ജി നല്കിയിരുന്നു. ഇതിലാണ് ജസ്റ്റിസുമാരായ ബി.ആര്. ഗവായ്, എ.എസ്. ബൊപ്പണ്ണ എന്നിവര് അടങ്ങിയ ബെഞ്ച് കോടതി നോട്ടീസ് അയച്ചത്.
കള്ളപ്പണ ഇടപാടില് ബിനീഷിനെതിരെ വ്യക്തമായ തെളിവുകള് ഉണ്ടെന്ന് ഇ.ഡിക്കുവേണ്ടി ഹാജരായ അഡീഷണല് സോളിസിറ്റര് ജനറല് കെ.എം. നടരാജ് വാദിച്ചു. വരവില് കവിഞ്ഞ സ്വത്തുക്കളുടെ സോഴ്സ് വ്യക്തമാക്കാന് ബിനീഷിന് കഴിഞ്ഞിട്ടില്ലെന്നാണ് ഇ.ഡിയുടെ വാദം. ഐ.ഡി.ബി.ഐ., എച്ച്.ഡി.എഫ്.സി., എസ്.ബി.ഐ., ഫെഡറല് ബാങ്ക് എന്നിവയിലെ നിക്ഷേപങ്ങളുടെ സോഴ്സ് വ്യക്തമാക്കിയിട്ടില്ല.
അക്കൗണ്ടിലേക്ക് പണം നിക്ഷേപിച്ച ചിലര് ചോദ്യംചെയ്യലിന് ഇതുവരെയും ഹാജരായിട്ടില്ലെന്നും ഇ.ഡി. ഹര്ജിയില് പറയുന്നു.കഴിഞ്ഞ വര്ഷം ഒക്ടോബറിലാണ് ബിനീഷ് കോടിയേരിക്ക് കര്ണാടക ഹൈക്കോടതി ജാമ്യം അനുവദിച്ചത്. ഈ ഉത്തരവിനെതിരെ ബംഗളുരുവിലെ ഇ.ഡി. ഡെപ്യൂട്ടി ഡയറക്ടറാണ് സുപ്രീം കോടതിയില് ഹര്ജി ഫയല് ചെയ്തത്.
പ്രതികരിക്കാൻ ഇവിടെ എഴുതുക