താരലേലത്തില് ഏറ്റവും മികച്ച താരങ്ങളെ സ്വന്തമാക്കിയ രാജസ്ഥാന് റോയല്സിനെ സഞ്ജു സാംസണ് റോയലായി നയിച്ചു. രാജസ്ഥാന്റേത് സ്പെഷ്യല് സീസണായിരുന്നുവെന്നാണ് സഞ്ജുവിന്റെ പക്ഷം.
മത്സരശേഷം സഞ്ജു പറഞ്ഞതിങ്ങനെ…
”ഞങ്ങളെ സംബന്ധിച്ചിടത്തോളം സ്പെഷ്യല് സീസണായിരുന്നു ഇത്. കഴിഞ്ഞ രണ്ട്- മൂന്ന് സീസണുകളില് ആരാധകര്ക്ക് നിരാശ മാത്രമാണ് ഞങ്ങള് സമ്മാനിച്ചത്.
ഇത്തവണ അവര്ക്ക് സന്തോഷിക്കാനുള്ള വക നല്കാനായി. എന്റെ ടീമിനെ കുറിച്ചോര്ത്ത് അഭിമാനമുണ്ട്. യുവാക്കളും സീനിയര് താരങ്ങളും ഒരുപോലെ കളിക്കുന്ന സംഘമാണ് ഞങ്ങളുടേത്. എന്നാല് ഫൈനല് ദിവസം തിളങ്ങാനായില്ല.” സഞ്ജു വ്യക്തമാക്കി.
ജോസ് ബട്ലറുടെ ബാറ്റിംഗ് കരുത്തിനെ അമിതമായി ആശ്രയിച്ചതാണ് തിരിച്ചടിയായത്. 863 റണ്സുമായി റണ്വേട്ടയില് ഒന്നാമനായെങ്കിലും ബട്ലര് വീണപ്പോഴൊക്കെ രാജസ്ഥാന് കിതച്ചു.
പ്രതികരിക്കാൻ ഇവിടെ എഴുതുക