ജാതി അടിസ്ഥാനമാക്കിയുള്ള സെന്സസിന് ബിഹാറില് അനുമതി നല്കി സര്വ കക്ഷി യോഗം. ബുധനാഴ്ച ചേര്ന്ന സര്വ കക്ഷി യോഗത്തിലാണ് സെന്സസിന് അനുമതി നല്കിയത്.
നിശ്ചിത സമയത്തിനുള്ളില് പദ്ധതി നടപ്പാക്കുമെന്നും, ഇതുമായി ബന്ധപ്പെട്ട നിര്ദേശം ഉടന് ചേരുന്ന മന്ത്രി സഭാ യോഗത്തില് അവതരിപ്പിക്കുമെന്നും ബിഹാര് മുഖ്യമന്ത്രി നിതീഷ് കുമാര് പറഞ്ഞു.
എല്ലാ ജാതിയിലും സമുദായത്തിലും പെട്ടവരെ ഉള്പ്പെടുത്തി ആയിരിക്കും സെന്സസ് നടത്തുക. ഇതിനായി ഉദ്യോഗസ്ഥര്ക്ക് പ്രത്യേക പരിശീലനം നല്കും. ഒരു വിഭാഗത്തെയും സെന്സസില് ഉള്പ്പെടുത്താതെ വിടില്ല,’ നിതീഷ് കുമാര് പറഞ്ഞു.
ബി.ജെ.പി, ജെ.ഡി.യു, കോണ്ഗ്രസ്, സി.പി.ഐ.എം.എല് (ലിബറേഷന്), സി.പി.ഐ, എച്ച്.എ.എം, എ.ഐ.എം.ഐ.എം, വി.ഐ.പി എന്നീ പാര്ട്ടി നേതാക്കളാണ് യോഗത്തില് പങ്കെടുത്തത്. എല്ലാ പാര്ട്ടി വക്താക്കളും ഏകകണ്ഠമായാണ് തീരുമാനമെടുത്തതെന്നും അദ്ദേഹം വ്യക്തമാക്കി. സെന്സസുമായി ബന്ധപ്പെട്ട എല്ലാ വിവരങ്ങളും സര്ക്കാരിന്റെ പബ്ലിക് ഡൊമൈനില് ലഭ്യമാക്കുമെന്നും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക