ജീവപര്യന്തം തടവിന് ശിക്ഷിച്ച വ്യാജ മദ്യക്കേസിലെ പ്രതി മണിച്ചന് പൂജപ്പുര സെന്ട്രല് ജയിലില്നിന്ന് 2011 മേയ് 22 നാണ് നെട്ടുകാല്ത്തേരിയിലെ തുറന്ന ജയിലില് എത്തിയത്.
2643-ാം നമ്പര് കുപ്പായത്തില് തുറന്ന ജയിലില് എത്തിയ മണിച്ചന് ചുരുങ്ങിയ കാലംകൊണ്ട് കൃഷിപ്പണിയില് തല്പരനായി. വാഴ, മരച്ചീനി, ഇഞ്ചി, മഞ്ഞള്, പച്ചക്കറികള് എന്നിവയെല്ലാം കൃഷി ചെയ്തു.
11 വര്ഷത്തെ തുറന്ന ജയിലിലെ ജീവിതം മണിച്ചനെ മികച്ച കര്ഷകനാക്കി.ജയില് അന്തേവാസികളില് മണിച്ചന്റെ നേതൃത്വത്തില് പത്ത് ഏക്കര് സ്ഥലത്താണ് വിവിധതരം കൃഷികള് ചെയ്യുന്നത്.
മണിച്ചനൊപ്പം ജീവപര്യന്തം തടവിന് ശിക്ഷ അനുഭവിക്കുന്ന ഏഴു പേര്കൂടി കൃഷിയില് സഹായിക്കുന്നുണ്ട്. കഴിഞ്ഞ കുറച്ച് മാസങ്ങളായി ഡ്രാഗണ് ഫ്രൂട്ടും കോളിഫ്ലവറുമാണ് മണിച്ചന് കൃഷി ചെയ്യുന്നത്.
പ്രതിദിനം 230 രൂപയാണ് മണിച്ചന് സമ്പാദിക്കുന്നത്. പ്രതിമാസം 6900 രൂപ കൂലിയിനത്തില് ലഭിക്കും. ഇതില് ഒരു വിഹിതം കുടുംബത്തിനായി മാറ്റിവെയ്ക്കും. ഒരു വിഹിതം കാന്റീന് വിഹിതമാണ്. മണിച്ചന് ഇപ്പോള് 65 വയസ്സായി. ജയില്മോചനത്തിന് വഴിതുറന്ന കാര്യം വാര്ത്തകളിലൂടെയാണ് മണിച്ചനറിയുന്നത്.
പ്രതികരിക്കാൻ ഇവിടെ എഴുതുക