വ്യാഴാഴ്ച വിശ്വാസ വോട്ടെടുപ്പ് നടത്തണമെന്ന ഗവര്ണര് ഭഗത് സിംഗ് കോഷിയാരിയുടെ നിര്ദേശം ചോദ്യം ചെയ്തുകൊണ്ട് ശിവസേന നല്കിയ ഹര്ജി സുപ്രീംകോടതി തള്ളിയതോടെ മഹാരാഷ്ട്രയില് ഉദ്ധവ് താക്കറെ സര്ക്കാരിന്റെ വിശ്വാസ വോട്ടെടുപ്പ് വ്യാഴാഴ്ച തന്നെ നടക്കും.
ജസ്റ്റിസുമാരായ സുര്യകാന്ത്, ജെ.ബി.പര്ദിവാല എന്നിവരുടെ അവധിക്കാല ബെഞ്ചാണ് ഹര്ജി പരിഗണിച്ചത്.
വിമത നേതാവ് ഏക്നാഥ് ഷിന്ദേ അടക്കം 16 സേന എംഎല്എമാരെ അയോഗ്യരാക്കാനുള്ള ഡെപ്യൂട്ടി സ്പീക്കറുടെ നോട്ടീസില് ജൂലയ് 11 വരെ തുടര് നടപടികള് സ്വീകരിക്കരുതെന്ന് സുപ്രീംകോടതിയുടെ ഇതേ ബെഞ്ച് നേരത്തെ ഉത്തരവിട്ടിരുന്നു.
ഡെപ്യൂട്ടി സ്പീക്കറുടെ അയോഗ്യ നോട്ടീസിനെതിരെ ഷിന്ദേ നല്കിയ ഹര്ജിയിലായിരുന്നു ഈ ഉത്തരവ്. ഈ ഹര്ജി ജൂലായ് 12-ന് കോടതി വാദം കേള്ക്കും. അതുവരെ വിശ്വാസ വോട്ടെടുപ്പ് നടത്തരുതെന്നായിരുന്നു ശിവസേനയുടെ ആവശ്യം. ഇത് സംബന്ധിച്ച് ശിവസേന ചീഫ് വിപ്പ് സുനില് പ്രഭു നല്കിയ ഹര്ജിയിയാണ് സുപ്രീംകോടതി തള്ളിയത്.
പ്രതികരിക്കാൻ ഇവിടെ എഴുതുക