തിരുവനന്തപുരം: കുളച്ചൽ കടൽത്തീരത്ത് യുവാവിന്റെ മൃതദേഹം അടിഞ്ഞു. മൃതദേഹം ആഴിമലയില് കാണാതായ കിരണിന്റേതെന്ന് അച്ഛൻ. കിരണ് ആത്മഹത്യ ചെയ്തതല്ലെന്നും അപായപ്പെടുത്തിയതാണെന്നും കിരണിന്റെ അച്ഛന് പറഞ്ഞു. എന്താണു സംഭവിച്ചതെന്നു പൊലീസ് കണ്ടെത്തണമെന്നും അദ്ദേഹം പറഞ്ഞു.
ഇന്ന് പുലര്ച്ചെയാണ് കുളച്ചല് തീരത്ത് യുവാവിന്റെ മൃതദേഹം കണ്ടെത്തിയത്. ഇത് കിരണിന്റേതാണോ എന്ന് സംശയമുണ്ടായിരുന്നു.
ഇക്കാര്യം സ്ഥിരീകരിക്കാനായി വിഴിഞ്ഞം പൊലീസും കിരണിന്റ ബന്ധുക്കളും കുളച്ചലിലെത്തിയിരുന്നു. തുടര്ന്നാണ് കിരണിന്റെ മൃതദേഹം പിതാവ് തിരിച്ചറിഞ്ഞത്.
മൃതദേഹം കണ്ടെത്തിയതിന് പിന്നാലെ കുളച്ചല് പൊലീസ് കടലില് കാണാതായവരെ കേന്ദ്രീകരിച്ച് അന്വേഷണം ആരംഭിച്ചിരുന്നു. ഇതിന്റെ ഭാഗമായാണ് വിഴിഞ്ഞം പൊലീസിനെയും വിവരമറിയിച്ചത്.
ആഴിമലയില് കടലില് കാണാതായ കിരണിനായി കഴിഞ്ഞദിവസങ്ങളില് തിരച്ചില് നടത്തിയിരുന്നെങ്കിലും കണ്ടെത്താനായിരുന്നില്ല.
പ്രതികരിക്കാൻ ഇവിടെ എഴുതുക