എലിസബത്ത് രാജ്ഞിയുടെ ഭരണത്തിന്റെ ആരംഭത്തിൽ പകർത്തിയ രാജ്ഞിയുടെ ചിത്രങ്ങളും അക്കാലത്തെ ആഭരണങ്ങളും ഉള്ക്കൊള്ളിച്ചുള്ള പ്രദര്ശനത്തിന് ബക്കിങ്ഹാം കൊട്ടാരത്തില് തുടക്കമായി.
രാജ്ഞിയുടെ സിംഹാസനാരോഹണത്തിന്റെ എഴുപതാം വാര്ഷികാഘോഷത്തിന്റെ ഭാഗമായാണു ‘ദ ക്വീന്സ് അക്സഷന്’ എന്ന പേരിൽ പ്രദര്ശനം.
രാജ്ഞി ഏറെക്കാലം ധരിച്ച നിസാം ഓഫ് ഹൈദരാബാദ് നെക്ലേസ് ആണു പ്രദർശനത്തിൽ ഏറ്റവും ശ്രദ്ധേയം. 1947ല് അന്നത്തെ ഹൈദരാബാദ് നിസാമായിരുന്ന അസഫ് ജാഹ് ഏഴാമന് രാജ്ഞിയുടെ വിവാഹത്തിന് സമ്മാനമായി നല്കിയതാണ് ഈ അമ്യൂല്യ നെക്ലേസ്.
അക്കാലത്ത് ലോകത്തിലെ ഏറ്റവും ധനികരായ വ്യക്തികളിൽ ഒരാളായിരുന്നു ഹൈദരാബാദ് നിസാം. വിവാഹസമ്മാനം രാജ്ഞി നേരിട്ടു തിരഞ്ഞെടുക്കണമെന്ന് ആഭരണ നിര്മ്മാതാക്കളായ കാര്ട്ടിയറിന് നിസാം നിര്ദ്ദേശം നല്കിയിരുന്നു. 300 രത്നങ്ങള് പതിച്ച ഈ പ്ലാറ്റിനം നെക്ലേസ് സെറ്റാണ് എലിസബത്ത് രാജ്ഞി അന്നു തിരഞ്ഞെടുത്തത്.
തന്റെ രാജവാഴ്ചയില് ഉടനീളം പല സന്ദര്ഭങ്ങളിലും രാജ്ഞി ഈ നെക്ലേസ് അണിഞ്ഞിട്ടുണ്ട്.
പ്രതികരിക്കാൻ ഇവിടെ എഴുതുക