അഞ്ചു പതിറ്റാണ്ടിനിപ്പുറം വീണ്ടും മനുഷ്യന് ചന്ദ്രനിലിറങ്ങാന് ശ്രമിക്കുന്നു. ആ ഉത്തരവാദിത്വം എസ്എല്എസിനാണ്. 23,000 കോടി ഡോളര് (ഏകദേശം 2.30 ലക്ഷം കോടി രൂപ) ചെലവിട്ട് അമേരിക്കയിലെ സ്റ്റാച്ചു ഓഫ് ലിബര്ട്ടിയേക്കാള് ഉയരത്തില് നിര്മിച്ച റോക്കറ്റാണ് എസ്എല്എസ്.
സവിശേഷതകള് ഏറെയുണ്ടെങ്കിലും അപ്പോളോ ദൗത്യത്തില് മനുഷ്യനെ ആദ്യമായി ചന്ദ്രനിലെത്തിച്ച സാറ്റേണ് V റോക്കറ്റ് പല കാര്യങ്ങളിലും എല്എല്എസിനോട് കിടപിടിക്കുന്നുവെന്നതും അതിശയമാണ്.
1969 ല് നീല് ആംസ്ട്രോങ്ങിനേയും ബസ്സ് ആല്ഡ്രിനേയും മൈക്കല് കോളിന്സിനേയും ചന്ദ്രനിലേക്ക് സുരക്ഷിതമായി എത്തിച്ചത് സാറ്റേണ് V റോക്കറ്റായിരുന്നു. അന്ന് മാത്രമല്ല ഇന്നും സാറ്റേണ് V ഒരു ബഹിരാകാശ ശാസ്ത്ര രംഗത്തെ അദ്ഭുതമാണ്.
എസ്എല്എസിന്റെ ഉയരം 98 മീറ്ററാണ്. എന്നാല് സാറ്റേണ് V ഉയരത്തിന്റെ കാര്യത്തില് 110 മീറ്ററോടെ ഒരുപടി മുന്നിലാണ്.
ഭാരം നോക്കിയാലും സാറ്റേണ് V ( 28 ലക്ഷം കിലോഗ്രാം ) എസ്എല്എസിനേക്കാള് ( 25 ലക്ഷം കിലോഗ്രാം ) മുന്നിലുണ്ട്.
ഫ്ളോറിഡയിലെ വിക്ഷേപണ തറയിലേക്ക് ഓഗസ്റ്റ് 18ന് എസ്എല്എസ് റോക്കറ്റിനെ എത്തിക്കാനാണ് നാസയുടെ തീരുമാനം.
നാസ കെന്നഡി യുട്യൂബ് ചാനലില് ഇതിന്റെ തത്സമയ സംപ്രേക്ഷണവും ലഭ്യമായിരിക്കും. ഓഗസ്റ്റ് 29നാണ് എല്ലാവരും കാത്തിരിക്കുന്ന എസ്എല്എസ് റോക്കറ്റിന്റെ ഓറിയോണ് പേടകവും വഹിച്ചുകൊണ്ടുള്ള വിക്ഷേപണം നിശ്ചയിച്ചിരിക്കുന്നത്.
പ്രതികരിക്കാൻ ഇവിടെ എഴുതുക