വീട്ടില് നല്ല താളി ഉണ്ടാക്കിയെടുക്കുവാന് സാധിച്ചാല് അത് അടിപൊളിയായിരിക്കും, അല്ലെ? വിപണിയില് പലതരത്തില് താളിപ്പൊടികള് ലഭ്യമാണ് എങ്കിലും നമ്മള് വീട്ടില്, നല്ല ഓര്ഗാനിക്കായി ഉണ്ടാക്കിയെടുത്താല് അതിന് കുറച്ച് വിശ്വാസ്യത കൂടും. എന്തായാലും വീട്ടില് എങ്ങിനെ താളിപ്പൊടി തയ്യാറാക്കി എടുക്കാം എന്ന് നോക്കാം.
താളിപ്പൊടി തയ്യാറാക്കാം
ഇതിലേയ്ക്ക് ആവശ്യത്തിന് നെല്ലിക്ക, അതുപോലെ കറ്റാര്വാഴ, കറിവേപ്പില, ചെമ്പരത്തിയുടെ ഇലയും പൂവും, ആര്യവേപ്പില, വെള്ളിളം താളി, നെല്ലിക്ക, തുളസി, മൈലാഞ്ചി ഇല, മരുന്ന് ചെത്തി, കഞ്ഞുണ്ണി, നീലാമരി എന്നിവയെല്ലാം ആവശ്യമാണ്. ഇവ നല്ല വെയിലുള്ള സമയത്ത് കഴുകി വെയിലത്ത് വെച്ച് ഉണക്കുവാന് വെയ്ക്കുക. നന്നായി ഉണക്കിയെടുത്തതിനുശേഷം മാത്രമെ ഇത് പൊടിക്കുവാന് സാധിക്കുകയുള്ളൂ. നന്നായി ഉണക്കിയെടുത്ത് പൊടിച്ചെടുക്കുക.
ഇത് പൊടിക്കുന്ന സമയത്ത് നല്ലപോലെ ഉണക്കിയെടുത്ത ഉലുവ അതുപോലെ കുറച്ച് കുരുമുളക് എന്നിവയും ചേര്ക്കാവുന്നതാണ്. ഇവയെല്ലാം ചേര്ത്ത് നന്നായി ഒട്ടും തരികളില്ലാതെ പൊടിച്ച് എടുക്കണം. അതിനുശേഷം നന്നായി തുടച്ചെടുത്ത ഒരു കുപ്പിയില് ഇത് ഇട്ട് സൂക്ഷിക്കാവുന്നതാണ്.
ഉപയോഗിക്കേണ്ട വിധം
ഉണക്കി തയ്യാറാക്കി വെച്ചിരിക്കുന്നതിനാല് തന്നെ എപ്പോള് വേണമെങ്കിലും തലയില് തേയ്ക്കുവാന് ഉപയോഗിക്കാവുന്നതാണ്. ഇത് കുറച്ച് വെള്ളത്തിലോ അല്ലെങ്കില്, തലേദിവസത്തെ കഞ്ഞിവെള്ളത്തിന്റെ തെളി എടുക്കുക.
അതിലേയ്ക്ക് ഈ പൊടി ചേര്ത്ത് പേയ്സ്റ്റ് പരുവത്തിലാക്കുക. അതിനുശേഷം തലയില് വെളിച്ചെണ്ണ പുരട്ടി മസാജ് ചെയ്ത് ഈ പേയ്സ്റ്റ തലയില് നന്നായി തേച്ചുപിടിപ്പിക്കണം. അതിനുശേഷം നന്നായി തണുത്തവെള്ളത്തില് തല കഴുകുക.
ഈ താളി തലയില് തേച്ചുപിടിപ്പിച്ച് ഏകദേശം പത്ത് മിനിറ്റെങ്കിലും നിന്നാല് മാത്രമാണ് നല്ല ഫലം ലഭിക്കുകയുള്ളൂ. തലയില് എണ്ണ അമിതമായി തേയ്ക്കാതിരിക്കുവാന് ശ്രദ്ധിക്കാവുന്നതാണ്.
തേയ്ക്കുന്നുണ്ടെങ്കില് അത് തലയോട്ടിയില് തേയ്ച്ചുപിടിപ്പിക്കുക. കഫത്തിന്റെ പ്രശ്നമുള്ളവര് അധികസമയം ഇത് തേയ്ച്ചു നില്ക്കാതെ ശ്രദ്ധിക്കണം. അതുപോലെതന്നെ രാത്രി ഇത് തേയ്ച്ചു കുളിച്ചാല് ചിലപോള് നീരിറക്കം ഉണ്ടായേക്കാം. അതുകൊണ്ട് ഇത്തരം പ്രശ്നങ്ങള് ഉള്ളവര് ശ്രദ്ധിച്ച് ഉപയോഗിക്കുക.
പ്രതികരിക്കാൻ ഇവിടെ എഴുതുക