കമ്യൂണിസ്റ്റ് പാര്ട്ടി പ്രവര്ത്തകരെ കൊലപ്പെടുത്താൻ ആദ്യഘട്ടത്തില് കോണ്ഗ്രസായിരുന്നു പദ്ധതികള് തയ്യാറാക്കിയിരുന്നതെന്ന് മുഖ്യമന്ത്രി പിണറായി വിജയൻ.
ധീരജ് സ്മാരകത്തിന് തറക്കല്ലിട്ടതിന് ശേഷം സംസാരിക്കുകയായിരുന്നു അദ്ദേഹം.
ഒരുപാട് പേർ അങ്ങനെ കോണ്ഗ്രസിന്റെ കൊലക്കത്തിയ്ക്കിരയായെന്നും മുഖ്യമന്ത്രി പറഞ്ഞു. ആക്രമണ പരമ്പര തുടര്ന്നുകൊണ്ടിരുന്നു. ഒരുപാട് ഞെട്ടിപ്പിക്കുന്ന, ആര്ക്കും പ്രതീക്ഷിക്കാന് കഴിയാത്ത അനുഭവങ്ങള് കോണ്ഗ്രസില് നിന്നും നേരിടേണ്ടിവന്ന പ്രസ്ഥാനമാണിതെന്നും മുഖ്യമന്ത്രി പറഞ്ഞു.
കോണ്ഗ്രസിന്റെ നിര്ദേശമനുസരിച്ച് ഒട്ടേറെ പാര്ട്ടി പ്രവര്ത്തകരെ ലോക്കപ്പിലിട്ട് മൃഗീയമായി തല്ലിച്ചതച്ച അനുഭവമുണ്ട്. കമ്യൂണിസ്റ്റ് പ്രസ്ഥാനത്തെ പൂര്ണമായി ഇല്ലാതാക്കാമെന്നാണവര് വിചാരിച്ചതെന്നും പിണറായി പറഞ്ഞു.
പ്രതികരിക്കാൻ ഇവിടെ എഴുതുക