കൊച്ചി: കേരളത്തെ ഞെട്ടിച്ച ഇരട്ട നരബലി കേസില് ഞെട്ടിക്കുന്ന വെളിപ്പെടുത്തലുകളാണ് ദിവസവും ഉണ്ടാകുന്നത്. ഇപ്പോള് നരബലി നടത്തിയ വീട്ടില് അനാശാസ്യ കേന്ദ്രവും പ്രവര്ത്തിച്ചിരുന്നുവെന്ന റിപ്പോര്ട്ടാണ് പുറത്തുവരുന്നത്.
ഇലന്തൂരിലെ വീട് കേന്ദ്രീകരിച്ച് അനാശാസ്യ പ്രവര്ത്തനങ്ങള് നടന്നതായി പ്രതികൾ പൊലീസിനു മൊഴി നൽകി. പെണ്വാണിഭ സംഘത്തിന്റെ ഭാഗമായ ഷാഫിയുടെ നേതൃത്വത്തിലായിരുന്നു ഇടപാടുകളും സ്ത്രീകളെ എത്തിച്ചതും.
ആയുർവേദ ചികിത്സയുടെ ഭാഗമായി ആയിരുന്നു ഇലന്തൂരിലെ വീട്ടിലെ അനാശാസ്യ പ്രവർത്തനങ്ങളുമെന്നാണ് മൊഴി.
ഈ ലക്ഷ്യത്തിനെത്തുന്ന ഇടപാടുകാർക്ക് സ്ത്രീകളെ ഉൾപ്പെടെ എത്തിച്ചുകൊടുത്തിരുന്നത് ഷാഫിയാണെന്നാണ് പൊലീസിനു ലഭിച്ച വിവരം.
കസ്റ്റഡിയില് ചോദ്യം ചെയ്യല് പുരോഗമിക്കുകയാണ്. അതേസമയം, നടപടികളോട് മുഹമ്മദ് ഷാഫി സഹകരിക്കുന്നില്ലെന്ന് അന്വേഷണ ഉദ്യോഗസ്ഥർ പറയുന്നു.
പ്രതികരിക്കാൻ ഇവിടെ എഴുതുക