ജിയോ ബേബി സംവിധാനം ചെയ്യുന്ന പുതിയ ചിത്രമാണ് കാതല്. മമ്മൂട്ടിയെ നായകനായി എത്തുന്ന ചിത്രത്തിൽ ജ്യോതികയാണ് മമ്മൂട്ടിയുടെ നായിക . 12 വര്ഷങ്ങള്ക്കുശേഷം ജ്യോതിക മലയാളത്തിലേക്ക് തിരിച്ചെത്തുന്ന ചിത്രം കൂടിയാണ് ഇത്.
ഇപ്പോൾ ഇതാ ചിത്രത്തിന്റെ ടൈറ്റില് പ്രഖ്യാപിച്ചിരിക്കുകയാണ് . ജ്യോതികയുടെ പിറന്നാള് ദിനത്തിലാണ് ടൈറ്റില് പോസ്റ്ററിനൊപ്പം ചിത്രം പ്രഖ്യാപിച്ചിരിക്കുന്നത്. ഒരു പഴയ ആല്ബത്തില് നിന്നുള്ള ഫോട്ടോ കണക്കെയാണ് പോസ്റ്റര് ഡിസൈന് ചെയ്തിരിക്കുന്നത്. ആന്റണി സ്റ്റീഫന് ആണ് പോസ്റ്റര് ഡിസൈനര്. റോഷാക്കിനു ശേഷം മമ്മൂട്ടി കമ്പനിയുടെ ബാനറില് മമ്മൂട്ടി നിര്മ്മിക്കുന്ന ചിത്രം എന്ന പ്രത്യേകതയും ഈ ചിത്രത്തിന് ഉണ്ട്. മമ്മൂട്ടി കമ്പനി നിര്മ്മിക്കുന്ന മൂന്നാമത്തെ ചിത്രമാണ് ഇത്.
പ്രതികരിക്കാൻ ഇവിടെ എഴുതുക