ഒരു വ്യക്തിയുടെ ദൈനംദിന ഭക്ഷണം ആറ് മുതൽ എട്ട് മണിക്കൂർ വരെയുള്ള സമയത്തേക്ക് മാത്രമായി ചുരുക്കുകയും അത് കഴിഞ്ഞുള്ള 16 മണിക്കൂറോളം സമയത്തേക്ക് ഒരു ഭക്ഷണവും കഴിക്കാതിരിക്കുകയും ചെയ്യുക എന്നതാണ് ഇന്റർമിറ്റന്റ് ഫാസ്റ്റിങ് എന്നറിയപ്പെടുന്നത്.
ഒരാൾ വൈകുന്നേരം 7 മണിക്ക് അത്താഴം കഴിക്കുന്നത് പൂർത്തിയാക്കുകയാണെങ്കിൽ അയാളുടെ അടുത്ത ഭക്ഷണം അടുത്ത ദിവസം ഉച്ചയോടെ ആയിരിക്കണം എന്നാണ് ഉദ്ദേശിക്കുന്നത്.ചില തരം ഇന്റർമിറ്റന്റ് ഫാസ്റ്റിങ് രീതികൾ ചായ, കാപ്പി, മറ്റ് കലോറി ഇതര പാനീയങ്ങൾ എന്നിവ കുടിക്കുവാൻ അനുവദിക്കുന്നുണ്ട്.
കൊഴുപ്പ് സംഭരണ ഹോർമോൺ ആയിട്ടുള്ള ഇൻസുലിൻ കൂടുതൽ കാര്യക്ഷമമായി പ്രവർത്തിക്കാനും, രക്തത്തിലെ പഞ്ചസാരയുടെ അളവ് വർദ്ധിക്കാതെ നിയന്ത്രിച്ചു നിർത്തുവാനും വീക്കം തടയുന്നതിനും ഇത് സഹായിക്കുന്നു.
ദഹനത്തിന് ഒരു ഇടവേള നൽകുകയും ശരീരത്തിന്റെ ഭാഗങ്ങളിലേക്ക് രക്തയോട്ടം വഴിതിരിച്ചുവിടുകയും രോഗശാന്തിയും പരിചരണവും ആവശ്യമുള്ള ശരീരത്തെ സുഖപ്പെടുത്തുന്നതിനും ഈ ഉപവാസം സഹായിക്കുന്നു.
ഇന്റർമിറ്റന്റ് ഫാസ്റ്റിങ് ബിഡിഎൻഎഫിനെ ഉത്തേജിപ്പിക്കുന്നു. പുതിയ ന്യൂറോണുകൾ സൃഷ്ടിക്കുന്നതിൽ പ്രധാന പങ്ക് വഹിക്കുകയും നിലവിലുള്ളവയെ സംരക്ഷിക്കുകയും ചെയ്യുന്ന ഒരു പ്രോട്ടീനാണ് ബിഡിഎൻഎഫ്.
ഇത് ഒരു ന്യൂറോണിനെ മറ്റൊന്നിലേക്ക് ബന്ധിപ്പിക്കുന്നു, അതിനാൽ ചിന്തിക്കുന്നതിനും പഠിക്കുന്നതിനും തലച്ചോറിന്റെ പ്രവർത്തനത്തിനും സുപ്രധാനമായ പ്രക്രിയയ്ക്കും ആശയവിനിമയത്തിനും ഇത് പ്രധാനമാണ്. ബിഡിഎൻഎഫ് ഉണർത്തുന്ന ജീൻ ഇന്റർമിറ്റന്റ് ഫാസ്റ്റിങ് ചെയ്യുന്നതിലൂടെ സജീവമാക്കപ്പെടുന്നു.
പ്രതികരിക്കാൻ ഇവിടെ എഴുതുക