ബഫർസോൺ വിഷയത്തിൽ പ്രതികരണവുമായി കെപിസിസി പ്രസിഡന്റ് കെ സുധാകരൻ.കൂടുതല് ജനവാസമേഖലകള് ഉള്പ്പെടുന്നതും അശാസ്ത്രീയമായതുമായ ഉപഗ്രഹ സര്വേ സംബന്ധിച്ച പരാതി കേള്ക്കാനും പരിഹരിക്കാനും വളരെ ചുരുങ്ങിയ സമയപരിധി അനുവദിച്ചത് പ്രതിഷേധാര്ഹമാണെന്ന് സുധാകരൻ പറഞ്ഞു.
പരിസ്ഥിതിലോല മേഖലയില് പഞ്ചായത്തുതല വിദഗ്ധ സമിതികള് രൂപീകരിച്ച് ഗ്രൗണ്ട് സര്വേയും പഠനവും നടത്തി വേണം ബഫര് സോണ് പരിധി സംബന്ധിച്ച റിപ്പോര്ട്ട് തയാറാക്കേണ്ടത്.
ഗ്രൗണ്ടില് മാര്ക്ക് ചെയ്തു അടയാളപ്പെടുത്തലുകള് രേഖപ്പെടുത്തിയാല് മാത്രമെ ബഫര്സോണ് പരിധി കൃത്യമായി മനസിലാക്കാന് സാധിക്കൂവെന്നും സുധാകരന് പറഞ്ഞു.
സര്വേ നമ്പരുകള് രേഖപ്പെടുത്തിയത് കാരണം അതിരുകള് തിരിച്ചറിയാന് കഴിയുന്നില്ല. അതുകൊണ്ട് സാധാരണജനങ്ങള്ക്ക് മനസിലാക്കാന് കഴിയാത്ത ഉപഗ്രഹ സര്വേ റിപ്പോര്ട്ടിന്മേല് വിദഗ്ധസമിതി മുന്പാകെ ലഭിക്കുന്ന എല്ലാ പരാതികളിലും തദ്ദേശ വകുപ്പിന്റെ സഹകരണത്തോടെ ഭൗതിക സ്ഥലപരിശോധന നടത്തുമെന്ന വനംമന്ത്രിയുടെ പ്രസ്താവന ജനങ്ങളെ കബളിപ്പിക്കാനാണെന്നും സുധാകരന് പറഞ്ഞു.
ഉപഗ്രഹ സര്വ്വേയിലൂടെ തയ്യാറാക്കിയ റിപ്പോര്ട്ട് അപൂര്ണ്ണവും ആശങ്ക വര്ധിപ്പിക്കുന്നതുമാണെന്നും സുധാകരൻ ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക