എവർ ഗ്രീൻ നായികയാണ് തൃഷ. ആരാധകർക്ക് പ്രിയങ്കരിയായ നായികയ്ക്ക് നേരെ ഇപ്പോൾ ഒരു പുതിയ ആരോപണം ആണ് വന്നിരിക്കുന്നത്. തെന്നിന്ത്യൻ താരം തൃഷ കൃഷ്ണ തന്റെ ഭാര്യയാണെന്ന ഗുരുതര ആരോപണവുമായി രംഗത്ത് എത്തിയിരിക്കുകയാണ് സംവിധായകനും മോട്ടിവേഷണൽ സ്പീക്കറുമായ എ.എൽ സൂര്യ.
തൃഷ തന്റെ ഭാര്യയാണെന്നും അല്ലെന്ന് തെളിയിക്കേണ്ട യാതൊരു ആവശ്യവും തനിക്കില്ലെന്നുമാണ് സൂര്യ പറയുന്നത്. തൃഷയ്ക്ക് താനുമായി ബന്ധമുണ്ടായിരുന്നുവെന്നും ഇയാൾ ആരോപിക്കുന്നുണ്ട്. തനിക്ക് ഭ്രാന്താണെന്ന് കരുതുന്നുണ്ടെങ്കിൽ അങ്ങനെ കരുതിക്കോളാനും അദ്ദേഹം പറയുന്നു. ഇന്ത്യഗ്ലിറ്റ്സ് തമിഴിന് നൽകിയ അഭിമുഖത്തിനിടെയാണ് സൂര്യയുടെ ആരോപണം.
തൃഷ നായികയായി അഭിനയിച്ച ഭീമ എന്ന സിനിമയുടെ ലൊക്കേഷനിൽ താരത്തെ കൊണ്ട് പോയി വിട്ടിരുന്നത് ഞാനാണ്. തൃഷയുടെ ഭർത്താവാണ് ഞാൻ. റോഡിലൂടെ പോകുന്ന ഒരു പെൺകുട്ടിയെ പറ്റിയല്ല പറയുന്നത്, ഞാനുമായി ബന്ധമുണ്ടായിരുന്ന പെൺകുട്ടിയെ പറ്റിയാണ്. തൃഷ, വിജയുടെ കൂടെ നിൽക്കുന്നത് തനിക്കിഷ്ടമല്ല. അതറിഞ്ഞിട്ടാണ് കഴിഞ്ഞ ദിവസം ചിത്രങ്ങൾ പങ്കുവെച്ചത്. വിജയുടെ കൂടെയുള്ള ചില ചിത്രങ്ങൾ അവൾ കഴിഞ്ഞ ദിവസങ്ങളിൽ പങ്കുവെച്ചിരുന്നു. അതെനിക്ക് ഇഷ്ടമില്ലെന്ന് അറിഞ്ഞിട്ടാണ് അവളങ്ങനെ ചെയ്യുന്നത്. തൃഷയാണ് എന്നോട് ആദ്യം ഇഷ്ടമാണെന്ന് പറഞ്ഞത്. തൃഷയുടെ അമ്മയുമായി ഞാൻ സംസാരിക്കാറുണ്ട് എന്നും സൂര്യ പറയുന്നു.
പ്രതികരിക്കാൻ ഇവിടെ എഴുതുക