സിനിമയില് അഭിനയിക്കുമ്പോള് ഒരു ദിവസം താന് വാങ്ങുന്ന പ്രതിഫലം വെളിപ്പെടുത്തി നടനും രാഷ്ട്രീയക്കാരനുമായ പവന് കല്യാണ്.
സ്വന്തം പാര്ട്ടിയായ ജനസേനയുടെ വാര്ഷിക ആഘോഷങ്ങളുടെ ഭാഗമായുള്ള പൊതുയോഗത്തില് സംസാരിക്കുന്നതിനിടെയാണ് ലഭിക്കുന്ന പ്രതിഫലത്തെ കുറിച്ച് താരം തുറന്നു പറഞ്ഞത്.
താന് സിനിമയ്ക്കായി പ്രതിദിനം വാങ്ങുന്നത് 2 കോടി രൂപയാണ് എന്നാണ് പവന് കല്യാണ് പറയുന്നത്. 22 ദിവസം ഷൂട്ടിംഗ് ഉണ്ടെങ്കില് തനിക്ക് 45 കോടി രൂപ വരെ പ്രതിഫലം ലഭിക്കും.
എന്നാല് എല്ലാ സിനിമയ്ക്കും തനിക്ക് ഇതേ പ്രതിഫലം ലഭിക്കില്ല എന്നാണ് പവൻ പറഞ്ഞത്.
സിനിമയില് നിന്നും സമ്പാദിക്കാന് ആഗ്രഹിക്കുന്നുണ്ട്. എന്നാല് അത് തന്നെ പൊതു പ്രവര്ത്തനങ്ങളില് നിന്നും പിന്തിരിപ്പിക്കാറില്ല എന്നും പവന് കല്യാണ് വ്യക്തമാക്കി .
‘ഹരിഹര വീര മല്ലു’ എന്ന സിനിമയിലാണ് പവന് കല്യാണ് ഇപ്പോള് അഭിനയിച്ചു കൊണ്ടിരിക്കുന്നത്.അയ്യപ്പനും കോശിയും’ സിനിമയുടെ റീമേക്ക് ‘ഭീംലനായക്’ ആയിരുന്നു പവന് കല്യാണിന്റെതായി ഒടുവില് തിയേറ്ററുകളില് എത്തിയ ചിത്രം.
പ്രതികരിക്കാൻ ഇവിടെ എഴുതുക