നിശബ്ദനായ കൊലയാളിയെന്നാണ് ഉയർന്ന രക്തസമ്മർദ്ദത്തെ വിശേഷിപ്പിക്കുന്നത്. രക്തസമ്മർദ്ദം മൂലം ഹൃദയാഘാതം, സ്ട്രോക്ക് പോലെയുള്ള നിരവധി പ്രശ്നങ്ങളും ഉണ്ടാകും. മാനസിക സമ്മർദ്ദം, അമിതമായ ഉപ്പിന്റെ ഉപയോഗം, അമിത വണ്ണം, പുകവലി, മദ്യപാനം, തുടങ്ങിയവ രക്തസമ്മർദ്ദം വർദ്ധിപ്പിക്കുന്ന കാര്യങ്ങളാണ്.
രക്തസമ്മര്ദ്ദം നിയന്ത്രിക്കാന് ഭക്ഷണരീതിയില് ശ്രദ്ധിക്കേണ്ട കാര്യങ്ങള് എന്തൊക്കെയാണെന്ന് നോക്കാം…
ഒന്ന്…
ശരീരഭാരം കൂടുന്നത് പലപ്പോഴും രക്തസമ്മർദ്ദം വർദ്ധിക്കുന്നതിലേക്ക് നയിക്കുന്നു. അതിനാല് ശരീരഭാരം കുറയ്ക്കാനുള്ള വഴികള് സ്വീകരിക്കണം. ശരീരത്തിന്റെ മൊത്തം ആരോഗ്യത്തിനും ശരീരഭാരം നിയന്ത്രിക്കുന്നത് വളരെ നല്ലതാണ്.
രണ്ട്…
അമിത ഉപ്പ് പലതരത്തിലുള്ള ആരോഗ്യപ്രശ്നങ്ങളാണ് ഉണ്ടാവുക. രക്തസമ്മർദ്ദമുള്ളവർ ഉപ്പ് അധികം കഴിക്കരുതെന്നാണ് വിദഗ്ധർ പറയുന്നത്. ഉപ്പിന്റെ ഉപയോഗം ദിനംപ്രതി ആറ് ഗ്രാമിൽ താഴെ ആയിരിക്കുന്നതാണ് നല്ലത്.
മൂന്ന്…
കാത്സ്യം ധാരാളം അടങ്ങിയ ഭക്ഷണങ്ങള് കഴിക്കുന്നതും ഉയര്ന്ന രക്തസമ്മര്ദ്ദത്തെ നിയന്ത്രിക്കുന്നു.
നാല്…
പൊട്ടാസ്യം ധാരാളം അടങ്ങിയ ഭക്ഷണങ്ങള് കഴിക്കുന്നതും ഉയര്ന്ന രക്തസമ്മര്ദ്ദത്തെ നിയന്ത്രിക്കാന് ഉത്തമമാണ്.
അഞ്ച്…
മദ്യപിക്കുന്നവരിൽ രക്തസമ്മർദ്ദം കൂടാനുള്ള സാധ്യത വളരെ കൂടുതലാണ്. അതിനാല് മദ്യപാനത്തിലും നിയന്ത്രണം കൊണ്ടുവരാന് ശ്രമിക്കുക.
ആറ്…
രക്തസമ്മര്ദ്ദം നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്. എണ്ണയിൽ വറുത്ത ആഹാരങ്ങൾ, റെഡ് മീറ്റ്, ബേക്കറി സാധനങ്ങൾ, മായം കലർന്ന ഭക്ഷണ വസ്തുക്കൾ, അച്ചാറുകൾ തുടങ്ങിയവ ഒഴിവാക്കി പഴങ്ങളും പച്ചക്കറികളും കൂടുതലുള്ള ആഹാരം ശീലമാക്കുക.
പ്രതികരിക്കാൻ ഇവിടെ എഴുതുക