കോട്ടയം ഏറ്റുമാനൂരിൽ കാരിത്താസ് ജംഗ്ഷനില് പ്രവര്ത്തിക്കുന്ന തട്ടുകടയില് പൊറോട്ട നല്കാന് വൈകിയതിനെ ചൊല്ലി സംഘർഷം. സംഭവത്തിൽ ആറുപേരെ പോലീസ് അറസ്റ്റ് ചെയ്തു.
തട്ടുകട ഉടമയേയും ജീവനക്കാരെയും സംഘംചേര്ന്ന് ആക്രമിച്ച് കൊലപ്പെടുത്താന് ശ്രമിച്ചെന്നാണ് ഇവർക്കെതിരെ രജിസ്റ്റർ ചെയ്ത കേസ്. ഞായറാഴ്ച രാത്രിയാണ് കേസിന് ആസ്പദമായ സംഭവം നടന്നത്. അക്രമം നടക്കുന്നതിന് ഒരുമണിക്കൂര് മുന്പ് രണ്ടുപേര് തട്ടുകടയിലെത്തി പൊറോട്ട ഓര്ഡര് ചെയ്തു. എന്നാൽ ആഹാരത്തിന് 10 മിനിറ്റ് താമസമുണ്ടെന്ന് കടയുടമ അറിയിച്ചു.
ഇതേത്തുടര്ന്ന് ഇവര് കടയുടമയെ അസഭ്യം പറയുകയും ഭീഷണിപ്പെടുത്തുകയും ചെയ്തശേഷം ഇറങ്ങി പോയി. പിന്നീട് സംഘം ചേര്ന്ന് ഇവര് തട്ടുകടയില് തിരിച്ചെത്തി ആക്രമണം നടത്തുകയായിരുന്നു. ഇവര് തട്ടുകട അടിച്ചു തകര്ക്കുകയും ഉടമയെയും, ജീവനക്കാരെയും മര്ദ്ദിക്കുകയും ചെയ്തു. കൂടാതെ കയ്യിലിരുന്ന ഹെല്മെറ്റുകൊണ്ടും ഇരുമ്പ് കസേര ഉപയോഗിച്ചും തലയ്ക്ക് അടിക്കുകയും ചെയ്തു. ആക്രമണത്തിന് ശേഷം ഇവര് സംഭവസ്ഥലത്തുനിന്ന് കടന്നു കളഞ്ഞു.
പ്രതികരിക്കാൻ ഇവിടെ എഴുതുക