ദി കശ്മീര് ഫയല്സ്, കാര്ത്തികേയ 2 എന്നീ ചിത്രങ്ങളുടെ നിര്മ്മാതാക്കളായ അഭിഷേക് അഗര്വാള് ആര്ട്ട്സ് ആണ് ആദിപുരുഷിന്റെ 10000 ടിക്കറ്റുകള് സൗജന്യമായി നല്കുമെന്ന് പ്രഖ്യാപിച്ച് രംഗത്തെത്തിയിരിക്കുന്നത്. തെലങ്കാന സംസ്ഥാനത്തെ സര്ക്കാര് സ്കൂളുകളിലും അനാഥാലയങ്ങളിലും വൃദ്ധസദനങ്ങളിലുമായാണ് ഈ 10,000 സൗജന്യ ടിക്കറ്റുകള് വിതരണം ചെയ്യുക.
പ്രഭാസ് നായകനാവുന്ന ചിത്രം രാമായണത്തെ ആസ്പദമാക്കിയുള്ള എപിക് മിത്തോളജിക്കലിന്റെ സംവിധാനം ഓം റാവത്ത് ആണ്. ചിത്രം എത്തുന്ന എല്ലാ തിയറ്ററുകളിലും ഹനുമാന് വേണ്ടിയെന്ന വിശ്വാസത്തില് ഒരു സീറ്റ് ഒഴിച്ചിടുമെന്ന നിര്മ്മാതാക്കളുടെ പ്രഖ്യാപനം അടുത്തിടെ വാര്ത്താപ്രാധാന്യം നേടിയിരുന്നു.
പ്രതികരിക്കാൻ ഇവിടെ എഴുതുക