ബിജെപി എം പി ബ്രിജ് ഭൂഷണെതിരെ ലൈംഗികോരപണം ഉന്നയിച്ച വനിത ഗുസ്തി താരങ്ങളോട് ലൈംഗിക പീഡനത്തിന്റെ തെളിവ് ഹാജരാക്കാൻ നിര്ദ്ദേശം നല്കി ഡൽഹി പോലീസ് .
ശ്വാസപരിശോധനയുടെ പേരിൽ സ്വകാര്യ ഭാഗത്ത് സ്പർശിച്ചു,അമർത്തി കെട്ടിപ്പിടിച്ചു തുടങ്ങിയ ആരോപണങ്ങളിലാണ് തെളിവ് ചോദിച്ചത് .ശബ്ദ,ദൃശ്യ തെളിവുകൾ ഉണ്ടെങ്കിൽ ഹാജരാക്കാനും നിർദ്ദേശം നല്കിയിട്ടുണ്ട്.
ബ്രിജ് ഭൂഷണെതിരെ നടപടിയില്ലെങ്കില് കടുത്ത തീരുമാനമെടുക്കുമെന്ന് ഗുസ്തി താരങ്ങള് വ്യക്തമാക്കിയിട്ടുണ്ട്. പ്രശ്നം പരിഹരിച്ചില്ലെങ്കില് ഏഷ്യൻ ഗെയിംസില് പങ്കെുക്കില്ലെന്നും താരങ്ങൾ വ്യക്തമാക്കി.
ജൂണ് പതിനഞ്ചിനുള്ളില് സർക്കാരിന്റെ ഭാഗത്ത് നടപടിയുണ്ടായില്ലെങ്കില് വീണ്ടും സമരം തുടങ്ങാനാണ് ഗുസ്തി താരങ്ങളുടെ തീരുമാനം. ഒത്തുതീര്പ്പിന് വലിയ സമ്മർദ്ദം ഉണ്ടെന്ന് ഗുസ്തി താരങ്ങള് പറഞ്ഞു. സർക്കാരുമായി നടത്തിയ ചർച്ചകളെ കുറിച്ച് ഹരിയാനയില് മഹാപഞ്ചായത്ത് വിളിച്ച് താരങ്ങള് വിശദീകരിച്ചു.
കർഷക നേതാക്കള് പങ്കെടുത്ത യോഗത്തില് സാക്ഷി മാലിക്കും ബജ്രംഗ് പൂനിയയും പങ്കെടുത്തു. അതേസമയം താരങ്ങളുടെ പരാതിയില് കഴിഞ്ഞ ദിവസം തെളിവെടുപ്പ് നടത്തിയ പൊലീസിനെതിരെ ആരോപണം ഉയര്ന്നട്ടുണ്ട്.
പ്രതികരിക്കാൻ ഇവിടെ എഴുതുക