മുംബൈ: രണ്ബിര് കപൂര് നായകനാകുന്ന പുതിയ ചിത്രം ‘ആനിമല്’ ന്റെ പ്രീടീസര് പുറത്തിറങ്ങി. സന്ദീപ് റെഡ്ഡി വംഗയാണ് ചിത്രം സംവിധാനം ചെയ്യുന്നത്. സന്ദീപ് റെഡ്ഡി വംഗയാണ് ചിത്രത്തിന്റെ തിരക്കഥ എഴുതുന്നതും. ‘ആനിമലി’ന്റെ ഫസ്റ്റ് ലുക്ക് നേരത്തെ പുറത്തുവന്നിരുന്നു.
ഗോള്ഡന് കളറുള്ള ഹെല്മറ്റുമായി നില്ക്കുന്നവരെ കോടാലികൊണ്ട് വെട്ടി വീഴ്ത്തുന്ന രണ്ബീറിനെ ടീസറില് കാണാം. അതിനൊപ്പം തന്നെ പഞ്ചാബി ഗാനവും പാശ്ചത്തലത്തില് മുഴങ്ങുന്നുണ്ട്.
ഹിന്ദി, തെലുങ്ക്, തമിഴ്, കന്നഡ, മലയാളം ഭാഷകളിലായിട്ടായിരിക്കും ചിത്രം പ്രദര്ശനത്തിന് എത്തുന്നത്. രണ്ബിര് കപൂറിന്റെ നായികാ വേഷത്തില് ചിത്രത്തില് രശ്മിക മന്ദാനയാണ് എത്തുക. അനില് കപൂറും ഒരു പ്രധാനപ്പെട്ട കഥാപാത്രമായി ചിത്രത്തില് അഭിനയിക്കുന്നു.
പ്രതികരിക്കാൻ ഇവിടെ എഴുതുക