ജോഷി സംവിധാനം ചെയ്യുന്ന ‘ആന്റണി’യുടെ ഫസ്റ്റ് ലുക്ക് പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ. ‘പൊറിഞ്ചു മറിയം ജോസി’ലെ പ്രധാന താരങ്ങളായ ജോജു ജോർജ്ജ്, നൈല ഉഷ, ചെമ്പൻ വിനോദ് എന്നിവർ വീണ്ടും ഒന്നിക്കുന്ന ചിത്രം കൂടിയാണിത്. കല്യാണി പ്രിയദർശൻ മറ്റൊരു പ്രധാന കഥാപാത്രത്തെ അവതരിപ്പിക്കുന്നു.
മാസ് ലുക്കിലുള്ള ജോജു ജോർജിനെ പോസ്റ്ററിൽ കാണാം. ഒപ്പം ജേഴ്സി അണിഞ്ഞ് നിൽക്കുന്ന കല്യാണി പ്രിയദർശനും ഉണ്ട്. സ്പോർട്സ് റിലേറ്റഡ് സിനിമ ആണോ എന്നാണ് പലരും കമന്റ് ചെയ്തിരിക്കുന്നത്. ഒപ്പം മറ്റ് കഥാപാത്രങ്ങളെയും മോഷൻ പോസ്റ്ററിൽ പരിചയപ്പെടുത്തുന്നുണ്ട്.
ആശാ ശരത്ത്, വിജയ രാഘവൻ എന്നിവരും ആന്റണിയിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഐന്സ്റ്റിന് മീഡിയയുടെ ബാനറില് ഐന്സ്റ്റിന് സാക് പോള് ആണ് ചിത്രത്തിന്റെ നിര്മ്മാണം. രചന – രാജേഷ് വർമ്മ, ഛായാഗ്രഹണം – രണദിവെ, എഡിറ്റിംഗ് – ശ്യാം ശശിധരന്, സംഗീത സംവിധാനം – ജേക്സ് ബിജോയ്, പ്രൊഡക്ഷന് കണ്ട്രോളര് – ദീപക് പരമേശ്വരന്, കലാസംവിധാനം – ദിലീപ് നാഥ്, വസ്ത്രാലങ്കാരം – പ്രവീണ് വര്മ്മ, മേക്കപ്പ് – റോണക്സ് സേവ്യര്, വിതരണം – അപ്പു പാത്തു പപ്പു പ്രൊഡക്ഷന് ഹൗസ്, പി ആർ ഒ – ശബരി.മാർക്കറ്റിങ്ങ് പ്ലാനിങ് -ഒബ്സ്ക്യൂറ എന്റർടൈൻമെന്റ് തുടങ്ങിയവരാണ് ചിത്രത്തിലെ മറ്റു അണിയറ പ്രവർത്തകർ.
പ്രതികരിക്കാൻ ഇവിടെ എഴുതുക