വ്യാജ സര്ട്ടിഫിക്കറ്റ് കേസില് നിഖില് തോമസിന് ജാമ്യം അനുവദിച്ചു. സംസ്ഥാനം വിട്ട് പോകരുത് എന്നത് ഉള്പ്പെടെയുള്ള ഉപാധികളോടെയാണ് നിഖിൽ തോമസിന് ഹൈക്കോടതി ജാമ്യം അനുവദിച്ചത്. അന്വേഷണവുമായി സഹകരിക്കണമെന്നും സാക്ഷികളെ സ്വാധീനിക്കാന് ശ്രമിക്കരുതെന്നും ജസ്റ്റിസ് സിയാദ് റഹ്മാന് ചൂണ്ടിക്കാട്ടി.
ജൂണ് 23നാണ് എസ്എഫ്ഐയുടെ മുന് ഏരിയ സെക്രട്ടറിയായ നിഖില് തോമസ് കേസില് പിടിയിലാകുന്നത്. ഇതിന് പിന്നാലെ ജാമ്യാപേക്ഷയുമായി നിഖില് ഹൈക്കോടതിയെ സമീപിച്ചപ്പോഴാണ് ഇയാള്ക്ക് ജാമ്യം നേടാനായത്.
നിഖിൽ തോമസ് കായംകുളം എംഎസ്എം കോളജിൽ എംകോമിനു ചേർന്നത് ബികോം ജയിക്കാതെയെന്ന് സ്ഥിരീകരിച്ചതിന് പിന്നാലെയായിരുന്നു നിഖിലിന്റെ അറസ്റ്റ്. ഇയാൾ ഹാജരാക്കിയ ഛത്തീസ്ഗഡ് കലിംഗ സർവകലാശാലാ രേഖകൾ വ്യാജമാണെന്നു കേരള സർവകലാശാല വൈസ് ചാൻസലറും കലിംഗ സർവകലാശാല റജിസ്ട്രാറും എംഎസ്എം കോളജ് പ്രിൻസിപ്പലും സ്ഥിരീകരിച്ചിരുന്നു.
പ്രതികരിക്കാൻ ഇവിടെ എഴുതുക