പീരുമേട്: ക്രിക്കറ്റ് ബാറ്റിന് അടിയേറ്റു ചികിത്സയിലായിരുന്നയാൾ മരിച്ചു. പാമ്പനാർ കൊടുവാക്കരണം തോട്ടത്തിലെ ജയപാലിന്റെ മകൻ ജസ്റ്റിനാണ് മരിച്ചത്.
കഴിഞ്ഞ തിങ്കളാഴ്ചയാണ് സംഭവം നടന്നത്. റോഡിലൂടെ നടന്നുപോയ ജസ്റ്റിന്റെ ശരീരത്തില് ബോള് വീണതിനെ തുടര്ന്ന് കളിച്ചുകൊണ്ടിരുന്നവരുമായി ജസ്റ്റിന് തര്ക്കത്തിലായി. ബന്ധുകൂടിയായ യുവാവിനെ ജസ്റ്റിന് ബോളിന് ഇടിച്ചു. ഇയാള് ക്രിക്കറ്റ് ബാറ്റുകൊണ്ട് ജസ്റ്റിനെ അടിച്ചു. അടിയേറ്റ ജസ്റ്റിന് ബോധംകെട്ടുവീഴുകയും ക്രിക്കറ്റ് കളിച്ചുകൊണ്ടിരുന്നവര് ഇയാളെ അടുത്തുള്ള ലയത്തിലെ മുറിയില് കിടത്തുകയും ചെയ്തു.
പിറ്റേദിവസം അയല്വാസിയായ സ്ത്രീയാണ് ജസ്റ്റിന് അബോധാവസ്ഥയില് കിടക്കുന്നത് കണ്ടത്. നാട്ടുകാര് ചേര്ന്ന് ഇയാളെ കോട്ടയം മെഡിക്കല് കോളജ് ആശുപത്രിയില് എത്തിച്ചു. ചികിത്സയ്ക്കിടെ ജസ്റ്റിന് മരിച്ചു.
പ്രതികരിക്കാൻ ഇവിടെ എഴുതുക