ആലുവയില് അഞ്ച് വയസുകാരി പീഡനത്തിനിരയാക്കി ദാരുണമായി കൊലപ്പെടുത്തിയ സംഭവത്തില് പൊലീസിനെതിരെ രൂക്ഷ വിമര്ശനവുമായി കെപിസിസി അധ്യക്ഷന് കെ സുധാകരന്. പ്രതിയെ കസ്റ്റഡിയില് കിട്ടിയ ശേഷം പൊലീസ് അന്വേഷണത്തില് ഗൗരവം ഉള്ക്കൊണ്ടില്ലെന്നാണ് കെ സുധാകരന്റെ വിമര്ശനം. പൊലീസിന് സംഭവിച്ചത് ഗുരുതരമായ വീഴ്ചയാണെന്നും ഉത്തരവാദിത്തത്തില് നിന്ന് മാറിനില്ക്കാനാകില്ലെന്നും അദ്ദേഹം പറഞ്ഞു.
ആലുവയില് അഞ്ച് വയസുകാരിയെ കണ്ടെത്താന് ആദ്യ ഘട്ടത്തില് പൊലീസിന്റെ ഭാഗത്ത് നിന്ന് തീവ്രമായ രീതിയിലുള്ള ശ്രമം ഉണ്ടായില്ല. വിമര്ശനങ്ങള്ക്ക് പിന്നാലെ മകളേ മാപ്പ് എന്ന ഫേസ്ബുക്ക് പോസ്റ്റുമായി കേരള പൊലീസ് രംഗത്തെത്തിയിരുന്നു. ഇതോടെ വീണ്ടും വ്യാപക വിമര്ശനമുയര്ന്നു.
പ്രതികരിക്കാൻ ഇവിടെ എഴുതുക