കൊച്ചി: ഫോണിൽ വിളിച്ച് അസഭ്യ വർഷം നടത്തിയെന്ന ആരോപണത്തിൽ നടൻ സുരാജ് വെഞ്ഞാറമൂട് നൽകിയ പരാതിയിൽ കേസെടുത്ത് സൈബർ പൊലീസ്. കാക്കനാട് സൈബർ സൈബർ ക്രൈം പൊലീസ് ആണ് നടന്റെ പരാതിയിൽ കേസ് രജിസ്റ്റർ ചെയ്തത്.
കഴിഞ്ഞ മൂന്ന് ദിവസമായി തന്റെ ഫോണിലേക്കും വാട്ട്സ്ആപ്പ് കോളു വഴിയും അറിയാത്ത നമ്പരുകളിൽ നിന്നും അസഭ്യവർഷവും കൊലവിളിയും നടത്തുന്നുവെന്നാണ് പരാതി. സംഭവത്തിൽ മൊബൈൽ ഫോണ് നമ്പരുകള് കേന്ദ്രീകരിച്ച് പൊലീസ് അന്വേഷണം തുടങ്ങി.
വാട്ട്സ്ആപ്പിലൂടെ വിദേശത്തുനിന്നടക്കം ഭീഷണി സന്ദേശങ്ങളും ചീത്തവിളികളും നിരന്തരമായി എത്തിയതോടെയാണ് സുരാജ് വെഞ്ഞാറമൂട് പരാതി നല്കിയത്. താരത്തിന്റെ ഫോണ് നമ്പർ ഫേസ്ബുക്ക് പേജിൽ പ്രസിദ്ധപ്പപ്പെടുത്തി തെറിവിളിക്കാൻ ആഹ്വാനം ചെയ്തയാള്ക്കെതിരയും പരാതിയുണ്ട്.
പ്രതികരിക്കാൻ ഇവിടെ എഴുതുക