ആലുവയില് കൊല്ലപ്പെട്ട 5 വയസുകാരിയുടെ കുടുംബത്തിന് സർക്കാർ ധനസഹായം കൈമാറി. സര്ക്കാര് പ്രഖ്യാപിച്ച 10 ലക്ഷം രൂപ മന്ത്രിമാർ നേരിട്ടെത്തിയാണ് കുടുംബത്തിന് കൈമാറിയത്. മന്ത്രി പി രാജീവ്, കെ രാധാകൃഷ്ണന്, എം ബി രാജേഷ് എന്നിവര്ക്കൊപ്പം കുട്ടിയുടെ വീട്ടിലെത്തിയാണ് മാതാപിതാക്കള്ക്ക് ഉത്തരവ് കൈമാറിയത്.
മന്ത്രിസഭാ യോഗത്തിലാണ് ധനസഹായം സംബന്ധിച്ച തീരുമാനം ഉണ്ടായത്. അന്വേഷണം കുറ്റമറ്റ രീതിയിൽ മുന്നോട്ട് പോകുമെന്നും മന്ത്രി പറഞ്ഞു.
ആലുവയില് അഞ്ചുവയസുകാരിയെ ബലാത്സംഗം ചെയ്ത കൊലപ്പെടുത്തിയ സംഭവത്തില് പ്രതി ശാസ്ത്രീയമായ തെളിവുകള് ശേഖരിക്കുകയാണ് പൊലീസെന്നും പി. രാജീവും പറഞ്ഞു. ആലുവ മാര്ക്കറ്റില് നടന്ന തെളിവെടുപ്പില് പെണ്കുട്ടിയുടെ വസ്ത്രവും ചെരുപ്പും കണ്ടെടുത്തു. ബിഹാറിലേക്ക് പോകാനായി ടീം സജ്ജമാണെന്നും വിശദമായി ചോദ്യം ചെയ്തതിന് ശേഷം ടീം ബീഹാറിലേയ്ക്ക് തിരിക്കുമെന്നും റൂറല് എസ് പി. വിവേക് കുമാര് വ്യക്തമാക്കി.
പ്രതികരിക്കാൻ ഇവിടെ എഴുതുക