മണിപ്പൂര് വിഷയത്തില് ക്രൈസ്തവ സംഘടനകള് പ്രഖ്യാപിച്ച ഭാരത് ബന്ദ് ഇന്ന്. മണിപ്പൂരില് സമാധാനം പുനഃസ്ഥാപിക്കണമെന്നും മുഖ്യമന്ത്രിയെ പുറത്താക്കണമെന്നും ആവശ്യപ്പെട്ടാണ് ബന്ദ് നടത്തുന്നത്. മണിപ്പൂരില് മാസങ്ങളായി നടക്കുന്ന ആള്ക്കൂട്ട കൊലപാതകങ്ങള്, കൂട്ടബലാത്സംഗങ്ങള്, വ്യാപകമായ വര്ഗീയ, വംശീയ ആക്രമണങ്ങള് എന്നിവയ്ക്കെതിരെ ശക്തമായ ശബ്ദം ഉയര്ത്താനാണ് ഭാരത് ബന്ദ് ലക്ഷ്യമിടുന്നത്.
അതേസമയം എല്ലാ പൗരന്മാരുടെയും മതസ്വാതന്ത്ര്യത്തിന്റെ മൗലികാവകാശങ്ങള് സംരക്ഷിക്കുന്നതിന് മണിപ്പൂരിലെ ഇരകള്ക്ക് പൂര്ണ്ണ പിന്തുണ നല്കണമെന്ന് നേതാക്കള് രാജ്യത്തെ ജനങ്ങളോട് അഭ്യര്ത്ഥിച്ചു.
വിവിധ ക്രിസ്ത്യൻ സംഘടനകൾ രാജ്യവ്യാപകമായി നടത്തുന്ന ബന്ദിന് റെവല്യൂഷണറി മാർക്സിസ്റ്റ് പാർട്ടി ഓഫ് ഇന്ത്യ (ആർഎംപിഐ), മാർക്സിസ്റ്റ് കമ്യൂണിസ്റ്റ് പാർട്ടി ഓഫ് ഇന്ത്യ യുണൈറ്റഡ് (എംസിപിഐ-യു) എന്നിവരടങ്ങുന്ന കമ്യൂണിസ്റ്റ് കോർഡിനേഷൻ കമ്മിറ്റി (സിസിസി) പൂർണ പിന്തുണ പ്രഖ്യാപിച്ചിട്ടുണ്ട്.
പ്രതികരിക്കാൻ ഇവിടെ എഴുതുക