ലാംപെഡൂസ: മെഡിറ്ററേനിയന് കടലില് അഭയാര്ത്ഥികളുമായി പോയ ബോട്ട് മറിഞ്ഞ് അപകടം. 41 പേര് മരിച്ചു. അപകടത്തില് നിന്ന് രക്ഷപ്പെട്ടവര് ഇറ്റാലിയന് ദ്വീപായ ലാംപെഡൂസയിലെത്തിയപ്പോഴാണ് വിവരം പുറത്തറിയുന്നത്. ടുണീഷ്യയിലെ സ്ഫാക്സില് നിന്ന് ഇറ്റലിയിലേക്കുള്ള യാത്രക്കിടയിലാണ് ബോട്ട് മുങ്ങിയതെന്ന് അപകടത്തില് നിന്ന് രക്ഷപ്പെട്ട നാല് പേര് രക്ഷാപ്രവര്ത്തകരോട് പറഞ്ഞു. ബുധനാഴ്ചയാണ് ഇവര് ലാംപെഡൂസയില് എത്തിയത്.
ബോട്ടില് 45 യാത്രക്കാരുണ്ടായിരുന്നു രക്ഷപ്പെട്ടവര് പറഞ്ഞത്. ഇതില് മൂന്ന് കുട്ടികളുമുണ്ടായിരുന്നു. കഴിഞ്ഞ വ്യാഴാഴ്ചയാണ് ബോട്ട് ടുണീഷ്യയില് നിന്ന് പുറപ്പെട്ടത്. പുറപ്പെട്ട് മണിക്കൂറുകള്ക്കകം തന്നെ തിരമാലയില്പ്പെട്ട് ബോട്ട് മുങ്ങുകയായിരുന്നു.
പ്രതികരിക്കാൻ ഇവിടെ എഴുതുക