ലോക്സഭാ അംഗത്വം പുനഃസ്ഥാപിക്കപ്പെട്ട കോണ്ഗ്രസ് നേതാവ് രാഹുല് ഗാന്ധി എംപിക്ക് ഡല്ഹിയിലെ തുഗ്ലക് ലൈനിലെ വസതി തിരികെ ലഭിക്കുമെന്ന് റിപ്പോർട്ട്. പാര്ലമെന്ററി ഹൗസിങ് കമ്മിറ്റിയുടേതാണ് വീട് തിരികെ നൽകാനുള്ള തീരുമാനം.
മോദി പരാമര്ശത്തിന്റെ പേരില് അയോഗ്യനാക്കപ്പെട്ടതിന് പിന്നാലെ ഏപ്രില് 22നാണ് രാഹുല് ഗാന്ധി ഔദ്യോഗിക വസതി ഒഴിഞ്ഞത്. തുടര്ന്ന് ജന്പഥിലുള്ള സോണിയ ഗാന്ധിയുടെ വസതിയിലായിരുന്നു രാഹുലിന്റെ താമസം.
അതേസമയം പാര്ലമെന്റ് അംഗത്വം പുനഃസ്ഥാപിച്ചതോടെ ഇന്നലെയാണ് രാഹുല് ഗാന്ധി പാര്ലമെന്റിലേക്ക് എത്തിയത്. വന് ആഘോഷത്തോടെയാണ് പ്രതിപക്ഷ അംഗങ്ങള് രാഹുലിനെ സ്വീകരിച്ചത്.
പ്രതികരിക്കാൻ ഇവിടെ എഴുതുക