പുതുപ്പള്ളിയില് വളരെ നേരത്തെ സ്ഥാനാര്ഥിയെ പ്രഖ്യാപിച്ച് യുഡിഎഫ് തയ്യാറെടുക്കുമ്പോള് കരുത്തനായ സ്ഥാനാര്ഥിയെ നിര്ത്താനാണ് സിപിഐഎം തീരുമാനം എന്നാണ് പുറത്തു വരുന്ന റിപ്പോർട്ടുകൾ വ്യക്തമാക്കുന്നത്. യുഡിഎഫ് സ്ഥാനാര്ഥിയായി ഉമ്മന് ചാണ്ടിയുടെ മകന് ചാണ്ടി ഉമ്മനെ ഇന്നലെ പ്രഖ്യാപിച്ചിരുന്നു.
അതേസമയം സിപിഐഎമ്മില് സ്ഥാനാര്ഥി ആരെന്ന് ഇതുവരെ തീരുമാനമായില്ലെങ്കിലും ജെയ്ക് സി തോമസ് അടക്കം നാലു പേരാണ് പരിഗണനയിലുള്ളത് എന്നാണ് അടുത്ത വൃത്തങ്ങളിൽ നിന്നും ലഭിക്കുന്ന സൂചന. കഴിഞ്ഞ രണ്ട് തവണയും ഉമ്മന്ചാണ്ടിയുടെ എതിരാളിയായി മത്സരിച്ചത് ജെയ്ക് സി തോമസായിരുന്നു. ജെയ്ക് ഇല്ലെങ്കില് റെജി സക്കറിയ, കെ.എം.രാധാകൃഷ്ണന് പുതുപ്പള്ളി പാര്ട്ടി ഏരിയാ സെക്രട്ടറി സുഭാഷ് വര്ഗീസ് എന്നിവരുടെ പേരുകളാണ് ഇപ്പോൾ പരിഗണനയിലുള്ളത്.
വെള്ളിയാഴ്ച ചേരുന്ന സിപിഎം സംസ്ഥാന സെക്രട്ടറിയേറ്റില് സ്ഥാനാര്ത്ഥി തീരുമാനം ഉണ്ടാകുമെന്നാണ് പുറത്തു വരുന്ന സൂചന. ജോര്ജ് കുര്യനാകും എന്ഡിഎ സ്ഥാനാര്ഥിയെന്ന സൂചനകളുണ്ട്.
പ്രതികരിക്കാൻ ഇവിടെ എഴുതുക