ലോക്സഭാ തെരഞ്ഞെടുപ്പിൽ പ്രധാനമന്ത്രി നരേന്ദ്ര മോദിയുടെ മണ്ഡലമായ വാരാണസിയിൽ നിന്ന് കോൺഗ്രസ് ജനറൽ സെക്രട്ടറി പ്രിയങ്ക ഗാന്ധി മത്സരിക്കണമെന്ന് ശിവസേന (ഉദ്ധവ് താക്കറെ വിഭാഗം) നേതാവ് സഞ്ജയ് റാവത്ത്. വാരാണസിയിൽ മത്സരിച്ചാൽ പ്രിയങ്ക ഉറപ്പായും വിജയിക്കുമെന്നാണ് റാവത്ത് അവകാശപ്പെട്ടത്.
ലോക്സഭാ തെരഞ്ഞെടുപ്പിൽ പ്രധാനമന്ത്രി നരേന്ദ്ര മോദിക്കെതിരെ വാരാണസിയിൽ മത്സരിച്ചാൽ പ്രിയങ്ക ജയിക്കുമെന്ന് ഉറപ്പാണ്. വാരാണസിക്കാർക്ക് പ്രിയങ്കയെ വേണം. റായ്ബറേലി, വാരാണസി, അമേഠി എന്നിവയിലെ പോരാട്ടം ബിജെപിക്ക് കഠിനമാകുമെന്നും റാവത്ത് പറഞ്ഞു.
‘പാകിസ്താൻ മുൻ പ്രധാനമന്ത്രി നവാസ് ഷെരീഫും പ്രധാനമന്ത്രി നരേന്ദ്ര മോദിയും തമ്മിൽ കൂടിക്കാഴ്ച നടത്താമെങ്കിൽ എന്തുകൊണ്ട് ശരദ് പവാറിനും അജിത് പവാറിനും ആയിക്കൂടാ?’ എന്നും ശരദ് പവാറും അജിത് പവാറും കൂടിക്കാഴ്ച നടത്തിയെന്ന ഊഹാപോഹങ്ങളെ കുറിച്ച് പരാമർശിച്ചു റാവത്ത് പറഞ്ഞു.
പ്രതികരിക്കാൻ ഇവിടെ എഴുതുക