മുന് മന്ത്രിയും സി.പി.ഐ. എം നേതാവുമായ എ.സി മൊയ്തീന്റെ ബാങ്ക് അക്കൗണ്ട് മരവിപ്പിച്ചതായി റിപ്പോർട്ട്. 30 ലക്ഷം രൂപയുടെ എഫ്. ഡി അക്കൗണ്ടാണ് ഇ.ഡി മരവിപ്പിച്ചത് എന്നാണ് പുറത്തു വരുന്ന വിവരം. എസി മൊയ്തീനുമായി അടുപ്പം ഉണ്ടെന്ന് ഇ.ഡി സംശയിക്കുന്ന മൂന്ന് പേരുടെയും അക്കൗണ്ടുകളും മരവിപ്പിച്ചിട്ടുണ്ട്.
അതേസമയം ഇവരിൽ ഒരാൾക്ക് വിവിധ സഹകരണ ബാങ്കുകളിൽ അമ്പതോളം അക്കൗണ്ട് ഉള്ളതായി കണ്ടെത്തിയിട്ടുണ്ട്. കരുവന്നൂര് സഹകരണബാങ്ക് തട്ടിപ്പുകേസില് എ.സി. മൊയ്തീനെ എന്ഫോഴ്സ്മെന്റ് ഡയറക്ടറേറ്റ് ചോദ്യംചെയ്യും എന്നും വിവരം ഉണ്ട്. ചോദ്യംചെയ്യലിനായി ഉടന് നോട്ടീസ് അയക്കും എന്നാണ് അടുത്ത വൃത്തങ്ങളിൽ നിന്നും അറിയാൻ സാധിക്കുന്നത്.
ബിനാമികളെന്ന് സംശയിക്കുന്നവരുമായി മൊയ്തീന് നിരന്തരബന്ധമുണ്ടെന്നാണ് കണ്ടെത്തല്. ക്രമക്കേടുകള് നടത്താനായി കരുവന്നൂര് സഹകരണബാങ്കില് രണ്ടു രജിസ്റ്ററുകള് ഉണ്ടായിരുന്നതായും റെയ്ഡില് ഇ.ഡി. കണ്ടെത്തിയിട്ടുണ്ട്.
പ്രതികരിക്കാൻ ഇവിടെ എഴുതുക