തിരുവനന്തപുരം: സംസ്ഥാനത്ത് 24 മണിക്കൂറിനുള്ളില് ചെക്ക്പോസ്റ്റുകളില് ആകെ 155 പരിശോധനകള് നടത്തിയതായി ആരോഗ്യമന്ത്രി വീണാ ജോര്ജ്. പാല്, പാലുല്പന്നങ്ങളുടെ 130 സര്വൈലന്സ് സാമ്പിളുകള് എന്നിവ പരിശോധനയ്ക്കായി ശേഖരിച്ചു.
മത്സ്യ ഇനത്തില് 17 സാമ്പിളുകളും പച്ചക്കറികളുടെ 8 സാമ്പിളുകളും സസ്യ എണ്ണയുടെ ഒരു സര്വൈലന്സ് സാമ്പിളും ശേഖരിച്ചിട്ടുണ്ട്. പാലിന്റെ 7 സ്റ്റാറ്റിയൂട്ടറി സാമ്പിളും ശേഖരിച്ചു. വരും ദിവസങ്ങളിലും പരിശോധനകള് തുടരുമെന്ന് മന്ത്രി വ്യക്തമാക്കി.
വ്യാഴാഴ്ച രാവിലെ 6 മണിമുതലാണ് രാത്രിയും പകലും തുടര്ച്ചയായ പരിശോധനകള് ആരംഭിച്ചത്. കുമളി, പാറശാല, ആര്യന്കാവ്, മീനാക്ഷിപുരം, വാളയാര് ചെക്ക്പോസ്റ്റുകളില് ഉദ്യോഗസ്ഥരുടെ നേതൃത്വത്തില് പരിശോധന തുടരുകയാണ്.
പ്രതികരിക്കാൻ ഇവിടെ എഴുതുക