സംസ്ഥാനത്ത് സാധാരണക്കാര്ക്ക് ദോഷകരമാവാതെ വൈദ്യുതി സ്മാര്ട്ട് മീറ്റര് സ്ഥാപിക്കാന് മുഖ്യമന്ത്രി പിണറായി വിജയന്റെ നേതൃത്വത്തില് ചേര്ന്ന ഉന്നതതല യോഗം തീരുമാനിച്ചു.
കേന്ദ്രം നിര്ദ്ദേശിച്ചതില് നിന്നും വ്യത്യസ്തമായി ചെലവുകുറച്ച് പദ്ധതി നടപ്പാക്കാനുള്ള സാധ്യതയാണ് പരിശോധിക്കുന്നത്. ടോട്ടെക്സ് മാതൃക ഒഴിവാക്കും.സ്മാര്ട്ട് മീറ്ററിന്റെ വില, ഹെഡ് എന്ഡ് സിസ്റ്റം, മീറ്റര് ഡാറ്റാ മാനേജ്മെന്റ്, കമ്മ്യൂണിക്കേഷന് സിസ്റ്റം, ക്ലൗഡ് സ്റ്റോറേജ് ചാര്ജ്ജുകള്, മറ്റ് സോഫ്റ്റ് വെയര് ടെസ്റ്റിംഗിനും സൈബര് സെക്യൂരിറ്റിക്കുമുള്ള ചാര്ജ്ജുകള്, 93 മാസത്തേക്കുള്ള ഓപ്പറേഷന് ആന്റ് മെയിന്റനൻസ് ചാര്ജ്ജുകള് എന്നിവ ഉള്പ്പെടുന്നതാണ് ടോട്ടെക്സ് മാതൃക.
ഇതിനായി ചെലവഴിക്കുന്ന തുക 93 പ്രതിമാസ തവണകളായി ഉപഭോക്താക്കളില് നിന്ന് ഈടാക്കാനാണ് കേന്ദ്രസര്ക്കാര് പദ്ധതി .സംസ്ഥാനത്ത് ലോഡ്ഷെഡ്ഡിംഗ് ഏര്പ്പെടുത്തേണ്ട സാഹചര്യം ഒഴിവാക്കണമെന്ന് മുഖ്യമന്ത്രി യോഗത്തിൽ നിര്ദേശിച്ചു. കേരളത്തിലെ ജലവൈദ്യുതി പദ്ധതികളില് നിന്ന് മാത്രം ആവശ്യമായ വൈദ്യുതി ഉത്പാദനം സാധ്യമാകില്ലെന്ന് കണ്ട് വൈദ്യുതി കണ്ടെത്തുന്നതിന് പദ്ധതി തയ്യാറാക്കണമെന്നും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക