കോൺഗ്രസ് നേതാവ് അനില് അക്കര വ്യക്തിഹത്യ നടത്തുന്നുവെന്നും കരുവന്നൂര് ബാങ്ക് തട്ടിപ്പുമായി തനിക്ക് ഒരു ബന്ധവുമില്ലെന്നും സിപിഎം നേതാവ് പി കെ ബിജു .
ആരോപണങ്ങളെ രാഷ്ട്രീയമായും നിയമപരമായും നേരിടുമെന്നും അദ്ദേഹം പറഞ്ഞു. പാര്ട്ടിയുമായി ആലോചിച്ച് യുക്തമായ നടപടികള് സ്വീകരിക്കുമെന്ന് പികെ ബിജു പറഞ്ഞു.
കരുവന്നൂര് ബാങ്ക് തട്ടിപ്പിന് പിന്നില് ആരോപണവിധേയനായത് മുന് എംപി പി.കെ ബിജുവാണെന്നും കേസിലെ ഒന്നാംപ്രതി പി സതീഷ് കുമാറും ബിജുവും തമ്മില് അടുത്ത ബന്ധമുണ്ടെന്നുമാണ് അനില് അക്കര ഉന്നയിച്ച ആരോപണങ്ങള്.
തട്ടിപ്പ് പണം കൈപ്പറ്റിയവരുടെ കൂട്ടത്തില് മുന് എംപിയും ഉണ്ടെന്ന് ഇ.ഡി കോടതിയില് അറിയിച്ചിരുന്നു. സാമ്പത്തിക ഇടപാടുകളില് സതീഷ് കുമാറിന്റെ ഇടനിലക്കാരനായി പ്രവര്ത്തിച്ച സി.പി.എം. അംഗം കെ.എ. ജിജോറിന്റെ സാക്ഷിമൊഴികളാണ് അന്വേഷണസംഘം കോടതിയില് സമര്പ്പിച്ചത്.
പ്രതികരിക്കാൻ ഇവിടെ എഴുതുക