സംസ്ഥാനത്ത് കോണ്ട്രാക്ട് കാര്യേജ് ബസുകള് സ്റ്റേജ് കാര്യേജ് വാഹനങ്ങളായി ഓടിക്കുന്നത് കര്ശനമായി തടയാൻ ഗതാഗത മന്ത്രി ആന്റണി രാജുവിന്റെ അധ്യക്ഷതയിൽ ചേർന്ന ഉന്നതതലയോഗം തീരുമാനിച്ചു.
വിനോദസഞ്ചാര വികസനം ലക്ഷ്യമാക്കിയുള്ള ഓള് ഇന്ത്യ ടൂറിസ്റ്റ് ബസ് പെര്മിറ്റ് നല്കുന്നതിന്റെ ഭാഗമായുള്ള പുതിയ വിജ്ഞാപനത്തിന്റെ പേരിൽ കോണ്ട്രാക്ട് കാര്യേജ് ബസുകള് സ്റ്റേജ് കാര്യേജ് ബസുകളായി ഉപയോഗിക്കാന് കഴിയില്ല.
മോട്ടോർ വാഹന നിയമമനുസരിച്ച് കോൺട്രാക്ട് കാര്യേജ്, സ്റ്റേജ് കാര്യേജ് എന്നിങ്ങനെ രണ്ട് വിധം സർവീസ് ബസുകൾ മാത്രമാണുള്ളത്. ഇവയുടെ നിർവചനത്തിൽ തന്നെ ഉപയോഗവും രണ്ട് രീതിയിലാണ്. അതിനാൽ നിയമം ദുർവ്യാഖ്യാനം ചെയ്ത് സര്വ്വീസ് നടത്തുന്ന വാഹനങ്ങളുടെ ഉടമകള്ക്ക് എതിരെ കര്ശന നടപടി സ്വീകരിക്കും.
നിയമ ലംഘനം നടത്തി ഓടുന്ന വാഹനങ്ങള് പിടിച്ചെടുക്കുമ്പോള് യാത്രക്കാര്ക്ക് ബുദ്ധിമുട്ട് ഉണ്ടായാല് അതിന്റെ പൂര്ണ്ണ ഉത്തരവാദിത്തം വാഹന ഉടമയ്ക്ക് മാത്രമായിരിക്കും.
പ്രതികരിക്കാൻ ഇവിടെ എഴുതുക