പോപ്പുലർ ഫ്രണ്ടിനെതിരെ നടപടി വീണ്ടും ശക്തമാക്കി എൻ ഐ എ . ഇതിന്റെ ഭാഗമായി ഷൊർണൂരിൽ എൻ.ഐ.എ. ലുക്ക് ഔട്ട് നോട്ടീസ് പതിച്ചു. സംഘടന നിരോധിക്കപ്പെട്ട സാഹചര്യത്തിൽ പിടികിട്ടാപ്പുള്ളികളായ നേതാക്കളെ കുറിച്ച് വിവരങ്ങൾ നൽകുന്നവർക്ക് വൻപ്രതിഫലവും പ്രഖ്യാപിച്ചിട്ടുണ്ട്.
പട്ടാമ്പി, ചെർപ്പുളശ്ശേരി സ്വദേശികളായ നാലുപേരും എറണാകുളം സ്വദേശിയായ ഒരാളും പേരും വിവരവും അറിയാത്ത ഒരാളുമാണ് ലിസ്റ്റിലുള്ളത്. എൻ.ഐ.എ. കൊച്ചി ഓഫീസിൽ രജിസ്റ്റർ ചെയ്ത പി.എഫ്.ഐ. കേസിലെ പ്രതികളാണിവർ.
പട്ടാമ്പി ഞാങ്ങാട്ടിരി കിഴക്കേക്കര അബ്ദുൾ റഷീദ് (32), ചെർപ്പുളശ്ശേരി നെല്ലായ പട്ടിശ്ശേരി മാരായമംഗലം സൗത്ത് കണ്ണീർപള്ളിയാലിൽ മുഹമ്മദാലി (42), കൂറ്റനാട് വാവന്നൂർ ചാലിപ്പുറം കട്ടിൽമാടം മാവറ വീട്ടിൽ ഷാഹുൽ ഹമീദ് (54), മേലെ പട്ടാമ്പി തെക്കുമുറി ജുമാമസ്ജിദിന് സമീപം ഇട്ടിലത്തൊടിയിൽ മുഹമ്മദ് മൻസൂർ (41), എറണാകുളം പറവൂർ മുപ്പത്തടം എലൂർക്കര വാടക്കെയിൽ അബ്ദുൾ വഹാബ് (36), പേരുവിവരങ്ങൾ ലഭിക്കാത്ത മറ്റൊരാൾ എന്നിവരാണ് കേസിലെ പിടികിട്ടാപ്പുള്ളികൾ.
പ്രതികരിക്കാൻ ഇവിടെ എഴുതുക