സോളാര് പീഡന കേസില് ഉമ്മന് ചാണ്ടിക്ക് എതിരെയുള്ള ഗൂഢാലോചന കേസില് അന്വേഷണം വേണ്ടെന്ന പ്രതികരണവുമായി ചാണ്ടി ഉമ്മന് എംഎല്എ. രംഗത്ത്. അന്വേഷണം ആവശ്യപ്പെട്ട് കോടതിയെ സമീപിക്കില്ലെന്ന് ചാണ്ടി ഉമ്മന് മാധ്യമങ്ങളോട് പറഞ്ഞു.
തന്റെ പിതാവിനെ ഉപദ്രവിച്ചവരോട് തന്റെ നയം അനുരഞ്ജനമാണെന്നും ചാണ്ടി ഉമ്മന് വ്യകത്മാക്കി. സോളാര് കേസിലെ ഗൂഡാലോചനയുമായി ബന്ധപ്പെട്ട സിബിഐ റിപ്പോര്ട്ടില് ഇനിയൊരു അന്വേഷണവും വേണ്ട. കഴിഞ്ഞത് കഴിഞ്ഞു. പൊതുപണത്തില് നിന്ന് കോടികള് മുടക്കി ഇനിയൊരു അന്വേഷണം വേണ്ട. ടി ജി നന്ദകുമാറിന്റെ ആരോപണങ്ങള് മുഖവിലയ്ക്കെടുക്കുന്നില്ല. സത്യപ്രതിജ്ഞാ ദിവസം സോളാറില് അടിയന്തര പ്രമേയം കൊണ്ടുവന്നത് ആദരവായി കാണുന്നുവെന്നും ചാണ്ടി ഉമ്മന് വ്യക്തമാക്കി.
യുഡിഎഫ് സര്ക്കാരിലെ രണ്ട് ആഭ്യന്തര മന്ത്രിമാര് മുഖ്യമന്ത്രിമാരാകാന് ശ്രമിച്ചതിന്റെ ഫലമായാണ് ഉമ്മന്ചാണ്ടി തേജോവധത്തിന് ഇരയായതെന്നാണ് ടി ജി നന്ദകുമാറിന്റെ വെളിപ്പെടുത്തല്. ഇതിനുപിന്നാലെയാണ് ചാണ്ടി ഉമ്മന്റെ പ്രതികരണം.
പ്രതികരിക്കാൻ ഇവിടെ എഴുതുക