നവരത്നങ്ങളില് ഏറ്റവും വിലപിടിപ്പുള്ള രത്നമാണ് വജ്രം. വജ്രാഭരണം സ്വന്തമാക്കണമെന്ന് ആഗ്രഹമുള്ളവരും ഏറെയാണ്. ജ്യോതിഷ പ്രകാരം ഇത് ശുക്രന്റെ രത്നമായി കണക്കാക്കപ്പെടുന്നു. ഇത് ധരിക്കുന്നത് സന്തോഷവും സൗന്ദര്യവും ഐശ്വര്യവും നല്കുമെന്നാണ് വിശ്വാസം. എന്നാല് വജ്രം ധരിക്കുമ്പോള് ചില കാര്യങ്ങള് ശ്രദ്ധിക്കേണ്ടതുണ്ട്. ഇല്ലെങ്കില് അത് നിങ്ങളുടെ ജീവിതത്തില് നാശം വിതച്ചേക്കാം എന്നാണ് ജ്യോതിഷികൾ പറയുന്നത്.
ഇടവം, മിഥുനം, കന്നി, തുലാം, മകരം, കുംഭം എന്നീ രാശിക്കാര്ക്ക് വജ്രം വളരെ ശുഭകരമാണെന്ന് ജ്യോതിഷികള് പറയുന്നു. അതേസമയം മേടം, ചിങ്ങം, വൃശ്ചികം, ധനു, മീനം എന്നീ രാശിക്കാര്ക്ക് വജ്രം അശുഭമാണ്. കര്ക്കടക രാശിയുള്ളവര്ക്ക് പ്രത്യേക സാഹചര്യങ്ങളില് വജ്രം ധരിക്കാവുന്നതാണ്.
അതേസമയം ആത്മീയ പുരോഗതി ആഗ്രഹിക്കുന്നവര് വജ്രം ധരിക്കരുത്. സിനിമ , മോഡലിങ്, അല്ലങ്കില് മാധ്യമങ്ങളുമായി ബന്ധമുളള മേഖലയിലുള്ളവര്ക്ക് വജ്രം ധരിക്കുന്നത് ഗുണകരമാണ്. 21 മുതല് 50 വയസ്സുവരെയുളളവര് വജ്രം ധരിക്കുന്നതാണ് നല്ലതാണ്. ദാമ്പത്യ ജീവിതത്തില് ഇതിനകം പ്രശ്നങ്ങള് ഉണ്ടെങ്കില് വജ്രം ധരിക്കുന്നത് അത് പെട്ടന്ന് വര്ദ്ധിപ്പിക്കും എന്നാണ് പറയുന്നത്.
അതുപോലെ തന്നെ പൊട്ടിയ വജ്രം ധരിക്കുന്നത് അപകീര്ത്തിയോ അപകടമോ ഉണ്ടാക്കും. തള്ളവിരലിലോ ചൂണ്ടുവിരലിലോ വജ്രം ധരിക്കുന്നത് ഗുണകരമാണ്. മോതിരവിരലില് വജ്രം ധരിക്കുന്നത് പ്രണയത്തിലും ബന്ധങ്ങളിലും ഗുണം ചെയ്യും.
പ്രതികരിക്കാൻ ഇവിടെ എഴുതുക