നിപ പരിശോധനയ്ക്കയച്ച 11 സാംപിളുകള് കൂടി നെഗറ്റിവ്. ആരോഗ്യമന്ത്രി വീണാ ജോര്ജ് ആണ് ഇക്കാര്യം അറിയിച്ചത്. നിപ സ്ഥിരീകരിച്ചയാളുകളുമായി അടുത്ത ബന്ധം പുലര്ത്തിയിരുന്നവരുടെ സാമ്പിളാണ് നെഗറ്റിവ് ആയത്.
അതേസമയം ഹൈ റിസ്കിലുള്ളവരുടെ 94 സാംപിളുകള് ഇതുവരെ നെഗറ്റിവ് ആയിട്ടുണ്ടെന്ന് നിപ അവലോകന യോഗത്തിനു ശേഷം ആരോഗ്യമന്ത്രി വാര്ത്താ സമ്മേളനത്തില് അറിയിച്ചു. അതേസമയം സമ്പർക്കപട്ടികയിൽ ഉൾപ്പെട്ടവരെ കണ്ടെത്താനുള്ള ശ്രമം തുടരുകയാണ്. ആദ്യം മരിച്ച വ്യക്തി പോയ സ്ഥലങ്ങൾ കണ്ടെത്താൻ പോലീസ് സഹായത്തോടെയാണ് ശ്രമിക്കുന്നതെന്നും മന്ത്രി പറഞ്ഞു.
മെഡിക്കല് കോളജില് നിലവില് 21 പേരാണ് ഐസൊലേഷനില് ഉള്ളത്. ഇതിൽ രണ്ടു കുഞ്ഞുങ്ങളും ഉൾപ്പെടുന്നുണ്ട്. അതേസമയം എല്ലാവരുടെയും നില തൃപ്തികരമെന്നാണ് മെഡിക്കല് ബോര്ഡിന്റെ വിലയിരുത്തല്. ആദ്യം മരിച്ച വ്യക്തിയുടെ ഒന്പതു വയസ്സുള്ള കുട്ടി ഇപ്പോഴും വെന്റിലേറ്ററിലാണ്. കുട്ടിയുടെ നിലയില് പുരോഗതിയുണ്ടെന്നും മന്ത്രി പറഞ്ഞു.
പ്രതികരിക്കാൻ ഇവിടെ എഴുതുക